تاپۆ رەشەکەی ریفراندۆم و پارەکەی بەغدای موفلیس....

وتار/ 12/11/2020 460 جار بینراوە

فه‌ره‌یدون بێوار

تاپۆ رەشەکەی ریفراندۆم و پارەکەی بەغدای موفلیس....

فەرەیدون بێوار
وتیان: دوو ساڵ بەرگەی قەیران بگرن دەوڵەت دروست دەکەین....
فەرموو ئەوە 3 ساڵە قەیرانە، بێمووچەییە، بێ خزمەتگوزاری، بێ پڕۆژە، 28 ملیار قەرزار سەباری فرۆشتنی نەوت، زیادبوونی هەژاری و بێکاری و کێشەی کۆمەڵایەتی....
ریفراندۆمتان کرد و خەڵکتان تووشی قەیران و هەزار مەینەتی کرد و حکومەتی عێراقیش حیسابی پارێزگایەک بۆ هەرێم ناکات و سەرکردەو بەرپرسانی کورد رێگای بەغدایان کردووە بەرێگای مزگەووت، بەڵام نەحیسابیان بۆ دەکرێ و نە کاریگەرییان نەماوە.
مێشکی میلەتتان بردووە بە تاپۆی رەش و  کارت و فشاری ریفراندۆم، کورد دەڵێ: شەدەم بۆ دەربەندی دەوێ، ماڵی رەش بۆ رۆژی رەش. ئێستا هەڵوێست نەنوێنن ئەی کەی هەڵوێست دەنوێن؟ کەی تاپۆ و کارتە سووتاوەکە بەکار دێنن؟ دۆخ لەمە خراپتر هەیە؟ یان پیلانتان هەیە تووشی کارەساتی گەورەترمان بکەن؟
خۆ بەحیساب ئێوە بەغدای موفلیستان تەڵاقدا، خێرە وا بەمارەبەجاشە چوونەتەوە؟
ئەوەی ئەم چەند ساڵە روویداوەو دروستکردنی قەیران و بێمووچەیی و بێکاری و بێ پڕۆژەیی، دەگەڕێتە بۆ دوو سیاسەتی هەڵە و کوشندە، کەئەوانیش سەربەخۆیی فرۆشتنی نەوت و ریفراندۆمە بوو (ئەو دوو خاڵە مافی میلەتی کوردە، بەس کاتەکەیی و سیاسەتەکەی گونجاو نەبوو ) کە ماڵوێرانی و لەدەستدانی نیوەی زیاتری خاکی هەرێمی لێکەوتەوەو پێگەی هەرێمی لاواز و نەبوو کرد.

حکومەتی هەرێم بەبەغدا دەڵێ: بەشی خۆم بۆ خۆم بەشی تۆش دەخۆم، بۆیە لەمەدا حەق بەبەغدایە و چیتر قبوڵی ناکات، ناکرێ هەرێم داوای پارە بکات و داهات و نەوتیش راەست نەکات و چەند کەس و بنەماڵەیەک حەپەلووشی بکەن و بۆ میللەت نەبێ؟

کەواتە نهێنییەک لەوەدا هەیە کەهەرێم داهات ونەوت ڕادەست ناکات، چونکە بەدڵنیاییەوە دەڵێم داهاتەکە زۆر زۆر  لەپارەکەی بەغدا زیاترە و بەشی مووچە و پڕۆژەش دەکات، بەس بەهۆی دزی و گەندەڵی و قاچاخچییەوە، بەشی میلەت ناکات، کورد وتەنی: هێلکەکەی بۆ یەکێتی و پارتی و ریقنەکەشی بۆ میلەتە.
چەندین  ساڵە یەکێتی و پارتی بۆ پەردەپۆشکردنی شکست و گەندەڵیی و پیلانەکانیان، بە دروشم و هەستی نەتەوەیی و ئایینی، ختوکەی میلەت دەدەن، بەڵام ئەمە هیچ پرسێکی نەوەیی و ئایینی نییە، هێندەی کە پەیوەستە بەشکستی هەرێم و گەندەڵی و قاچاخچێتییەوە.
بۆیە دەڵێم قەیرانی دارایی وجودی نیە، لەرووی پڕی پارە و داهاتەوە  حکومەت مانگانە  زۆری دەستدەکەوێت، بەڵام  گرفت لەچۆنییەتی دابەشکردنە نەک بر،  ئەو قەیرانەش دروستکراوی دەستی خۆیانەوە و بەرەنجامی دزی و گەندەڵی و قاچاخچییەکانیانە.

"دەڵێن کابرایەک، کابرایەکی دیکەی دەگا،  دەستی بەکەمەری قوندەرەکەوە  گرتبوو فەرەنسییانە تەکانی بۆ لێدەدا، لەناکاو دەستی بەر دەمانچەی کەمەری قوندەرەکە کەوت، گانکەرەکە رەنگی زەرد بوو، لەتەکان وەستا و لەقوندەری پرسی ئەوە چییە؟ قوندەرەکە لەوەڵامد وتی: ئەوە دەمانچەیە بۆ ڕۆژی تەنگانەمە "

نوێترین نوسینەکانی فه‌ره‌یدون بێوار