ناسینی خود یان خه‌ڵکی، کامیان له‌پێشترن ؟

وتار/ 14/01/2017 3217 جار بینراوە

فاروق عه‌لی‌

ناسینی خود یان خه‌ڵکی، کامیان له‌پێشترن ؟

من پێم وایه‌ مرۆڤ پێش هه‌نگاونان بۆناسینی هه‌رشتێک، له‌پێشتره‌ هه‌وڵی ناسینی خۆی بدات، چونکه‌که‌خۆی ناسی ده‌توانێ خۆی بکاته‌ پێوه‌رێک بۆناسینی ئه‌وانی تر، ڕۆژانه‌ده‌بینین جۆره‌هاخول و سیمینار ده‌کرێته‌وه‌ بۆناسینی جۆره‌کانی که‌سێتی، به‌پێوه‌ری چه‌نده‌ها که‌سایه‌تی تێوری بواری گه‌شه‌پێدانی مرۆیی، ئه‌م خولانه‌ جێگای ده‌ست خۆشین، بۆئه‌وه‌ی که‌سه‌کانی ده‌وروبه‌رت باش بناسیت جا بۆ سوود وه‌رگرتن بێت ، یان خۆبه‌دورگرتن له‌شه‌ڕیان،

به‌ڵام لای من گرفته‌که‌ ئه‌وه‌نیه‌ که‌به‌رامبه‌ره‌کانمان ناناسین ، کێشه‌که‌له‌وه‌دایه‌ خۆمان ناناسین ، هه‌ریه‌که‌مان هێشتا خوێندنه‌و یه‌کی واقیعیمان بۆخۆمان نه‌کردوه‌، سه‌یرێکی خۆمانمان نه‌کردوه‌ بزانین چه‌ندنوقسانی و که‌م و کورتیمان هه‌یه‌، ڕۆژانه‌ مه‌شغوڵی گه‌ڕانین به‌دوای نوقسانیه‌کانی ئه‌وانی تردا، ( وفي انفسكم افلاتبصرون)،

هه‌ریه‌که‌مان گه‌ر خۆی ناسی و که‌م و کورتیه‌کانی خۆی بینی نایپه‌رژێته‌ سه‌ر ئه‌وانی تر به‌چاککردنی خۆیه‌وه‌ سه‌رقاڵ ده‌بێ، خوای گه‌وره‌ده‌فه‌رموێ( عليكم انفسكم لايضركم من ضل اذا اهتديتم) ، که‌واته‌گه‌ر هه‌رکه‌س بۆخۆی هه‌وڵی چاککردنی خۆی دا کۆمه‌ڵگه‌ بۆخۆی چاک ده‌بێ ، به‌ڵام ئێمه‌ ئێستا خۆمان پڕین له‌نوقسانی به‌ڵام ده‌مانه‌وێ چاک سازی له‌وانی تردا بکه‌ین، ئه‌مه‌ش مه‌حاڵه‌ چونکه‌ نه‌خۆش هه‌رگیز ناتوانێ چاره‌سه‌ری ئه‌وانی تر بکات…

نوێترین نوسینەکانی فاروق عه‌لی‌