هاوڵاتیان بەرداشی نێوان مکیاجی قسە و واقیعی ڕۆژگار

وتار/ 22/12/2016 612 جار بینراوە

کەمال ئەسکەندەر

هاوڵاتیان بەرداشی نێوان مکیاجی قسە و واقیعی ڕۆژگار
ڕۆژنامەنوس : کمال اسکندر
سەیر نیە قەیران هەبێت، بە مەرجێک لە بڕی بەڕێ کردنی کاتژمێرەکان لە نیشاندانی ئەستۆپاکی و مەکیاجی قسەی بێ کردار و زەردەخەنەیەکی پڕاوپڕ لە بێ موبالاتی بەرامبەر میللەت،  بەرپرسان لەباوەشی خەمخۆری دا  شەوان  داڕێژەری پلانی چارەسەر بن بۆ بەکردەیی کردنیان لە ڕۆژدا .
سەیرە شەپۆلی دوو ساڵی ڕابردووی قەیرانەکان تەنگ بەتاکی هاووڵاتی هەڵچنێ و ڕۆژ لەدوای ڕۆژ واقیع بەرەو تاڵ تر هەنگاوی پێ هەڵگرێت ، لەو لاشەوە هێشتا بەرپرسان لە بەردەم مایکی بەردەمیان بەدوای ووشەی جوان دا بگەڕێن ، کاتێک هاووڵاتیانی هەرێم لە ژیانێکی پڕ لەدەردە سەری مانگەکانی ساڵ تێپەڕێنن ئیتر ئومێدی چی لەسەر لێدوانەکانتان هەڵبچنن ، دوو ساڵە لەبەردەم کەناڵەکانی ڕاگەیاندن و لەدوای کۆبونەوەکان بەمکیاجی قسەکانتان لەنێوبازنەی ( ئومێد دەکەین ، ئیجابی بوو ، باش دەبێت، لێک حاڵی بوین ) وەکو شیرینی دەیبەخشن بە هاووڵاتیان کەچی لە ئەرزی حەقیقەت و واقیعدا نەتانتوانی پێداویستیە سادەکانی ژیانی هاونیشتمانیان دابین بکەن ئاخر لە قوتی ژیان زیاتر چی ؟ ئیتر جادوەکان لە ئێستادا تەنها کار لەو کەسانە دەکات کە لە سێبەرەوە لە بەرزی باڵاتان دەڕوانن و لەگیرفانی بە گیرهاتوی  گیرفانتانەوە  خۆشیان وەکو سێبەر بەدەورتاندا دەخولێنەوە .

نوێترین نوسینەکانی کەمال ئەسکەندەر