لەغیابی حوکمێکی ڕەشیدا

وتار/ 12/09/2021 389 جار بینراوە

پشتیوان جەمال

لەغیابی حوکمێکی ڕەشیدا

پشتیوان جەمال
بە نیشانەکانی هاوینێکی گەرم و خراپبوونی سیستەمی کارەبا و ئاو،دووقات بوونی نرخی کاڵاکان لەسەرهاوڵاتیان لەهەرێمدا، پێدەچێت ئەو حکومەتە هێشتا بە سەر "پلێتێکی گەرم" پڕ لە قەیرانی سیاسی و ئەمنیدا پیاسە بکات، چونکە تەحەداکان بۆ حکومەت زیاتر دەبێت، بەتایبەتی لەگەڵ چاوەڕوانی شەپۆلێکی نوێی ناڕەزایی بەهۆی بڕیارەکانی چاکسازیەوە کە  ڕێژەی ناڕەزایەتیەکانی هەندێک لایەنەکانی دەرەوەی پاتی بردۆتە ئاستێک کەبەتەواوی هەست بەجیاوازی لەپلەو ئیمتیازاتی شەهید وخانە نیشان کراوەبەبەراورد بە تەرەف گیرانی پارتی،ئەمەش بەگومانی ڕێکخستنی دۆسیەو ڕاژەی ساغڵەم بۆ لایەنگرانی خۆیان و بێ دۆسیەوڕاژەکردنی ئەوانەی دەروەی خۆیان،تاوای لێهات بەرچەقۆی چاکسازی بکەون و خەبات و قوربانیدانیان وەک بەفری بەرخۆرەتاوبتوێتەوە،کەم نین تەواوی ئەو خزمەتگوزاریە پێویستیانەی کە ڕۆژانەش لەئاو وکارە باو کاڵاکانی تر لەسایەی نەبوونی حوکمێکی ڕەشیدا تەنگی بەهاوڵاتیان هەڵ نیەوە
لەم جۆرە قەیرانە سیاسییەی ئێستای حکومەت  لەکابینەکانی پێشووتریش هەر لەجێی خۆیدابووەو  حکومەت لەپشەنگێکی شکست و ئیفلیجی سیاسی تونددا جێ هێشتووە، سیستەمی سیاسی نەیتوانی هیچ چارەسەرێکی گونجاو و پلانی چاکسازی بۆ ئەو پارچەبوون و درزانە بدۆزێتەوە. هەندێک بەمەبەست وهەندێکی بێ مەبەست.
ئاشکرایە کە بارودۆخی کۆمەڵایەتی هەرێم خراپتر دەبێت بە بوونی چینێکی سیاسی بێدەرامەتی کە تووشی گەندەڵی و بەرژەوەندخوازی بووە چ شەخسی و چ سێبەری ناوحکومەت لە بەرامبەر هەموو ئەمانەدا  نامۆیی سیاسی کە بەهۆی نائومێدی جەماوەرییەوە،خەڵک چیتر متمانەیان بە بڵێنەکان نییە وەک میکانیزمێکی چاکسازی بۆ سیستەمی سیاسی کە دەسەڵات و کرێ و پرۆژەکان قۆرخ دەکات، لەکاتێکدا زۆرینەی جەماوەری لەسەر بندەست دەژین. ئەمەش وایکردووە هاوڵاتیان باوەڕیان وایە بەردەوامبوونی سیستەمی سیاسی بەم عەقڵییەتە ڕەق و نەریتییە دۆخەکە خراپتر و خراپتر دەکات؛ لە قەیرانێکەوە ئەمان دەنە دەس قەیرانێکیتر،به‌هۆی نه‌بوونی دیموكراسیی راسته‌قینه‌ له‌ هه‌رێم، هه‌میشه‌زۆرینەیەکی سیاسی به‌سه‌ر كۆی ده‌زگه‌ قانونی و ده‌ستورییه‌كاندا زاڵن و ئه‌و ده‌زگه‌یانه‌ وه‌ك: نمایشكار رۆڵ ده‌بینن...
خۆئەگەربە پێی  پۆڵێنکردنەکەی "فارابی "بێت بۆ کۆمەڵگا تائێستاش ئێمە کۆمەڵگایەکی ناتەواوین، چونکە بەپێی پۆڵێنی "فارابی" کۆمەڵگای تەواو کۆمەڵگایەکە دەسەڵات و حوکمڕانیەکەی بتوانێت بەختەوەری و ئاسودەیی و بەختیاری  بۆ ئەندامانی دابین بکات و بەدی بهێنێ،  بە پێچەوانەشەوە کۆمەڵگایەکی ناتەواوە . ئێستا بەم پێیە بێت ئێمە لە کۆمەڵگایەکی ناتەواوین نەک کۆمەڵگایەکی تەواو، کە بەداخەوە نەمانتوانیوە تەنانەت لە کۆمەڵگایەکی ناتەواو هەنگاو بنێین بەرەو کۆمەڵگایەکی تەواوی پڕ لە بەختەوەری و بەدیهاتنی ئاوات و ئامانجەکانی مافە مەدەنی و سیاسی و تەنانەت سروشتیەکانیش . چونکە کۆمەڵگای تەواو لە دابینکردنی ژیانێکی شایستە بۆ ئەندامەکانی پێکدێت کە بەداخەوە تا ئێستا ئێمەلەغیابی حوکمڕانیەک کەدڵسۆزی حوکمداری بێت پێی نەگەیشتوین .

نوێترین نوسینەکانی پشتیوان جەمال