حه‌له‌ب ...دووباره‌بوونه‌وه‌ی كاره‌ساتی حه‌ما
وتار/
19/12/2016
661 جار بینراوە
هێدی هه‌ولێری
حه‌له‌ب ...دووباره‌بوونه‌وه‌ی كاره‌ساتی حه‌ما
هێدی هه‌ولێری
له‌مێژووی سه‌ده‌ی ڕابردوودا له‌میانی دروستبوونی چه‌ندین دیكتاتۆر
له‌ناوچه‌كه‌دا به پاڵپشتنی وڵاتانی زلهێز له‌سه‌ر پشتی خه‌ڵكی ڕه‌ش و ڕووتی
ناوچه‌كه له‌دایبكبوون و لێشاوێك نه‌هامه‌تیان بۆ هاوڵاتیانی ناوچه‌كه كرده دیاری
و تائێستاش شوێنه‌واری به‌شێك له‌و سته‌مكاریی و خوێنڕێژییه‌ی ئه‌و سه‌رۆكانه‌ی
ناوچه‌كه ماوه‌ته‌وه.
له‌سه‌روبه‌ندی هاته سه‌رته‌ختی هه‌ندێ له‌و سته‌مكارانه له‌وڵاتی
سوریا بوو، كه حافز ئه‌سه‌د باوكی به‌شار ئه‌سه‌دی ڕژێمی ئێستای سوریابوو.
له‌ماوه‌ی كاره‌كه‌ی ئه‌سه‌دی باوكدا چه‌ندین كاری تاوانكاریی
و ماڵوێرانی خه‌ڵكی چه‌وشاوه‌ی به‌دواوه‌ی داهات له‌هه‌مووشیان ترسناكترو خراپتر
دژ به موسڵمانانی سوننه‌ی سوریا بوو....پاشان شاری حه‌ما وه‌ك به‌ناوبانگترین شار
له‌سوریادا كه‌وته به‌رهێرشی بنه‌ماڵه‌ی ئه‌سه‌د و به‌هه‌موو شێوه‌یه‌ك كه‌وتنه
گیانی خه‌ڵكی سپڤیل، كه به كاره‌سات و قه‌سابخانه‌كه‌ی شاری "حه‌ما"
به‌ناوبانگه، كه له‌ساڵی 1982 به‌ده‌ستی حافز ئه‌سه‌دی گۆر به‌گۆڕو ده‌ستی پێكردو
ئه‌وه‌ی ئێستاش به‌ده‌ستی به‌شار ئه‌سه‌د درێژه به‌كاره تێكده‌رانه‌كانی باوكی
ده‌دات، كه ئه‌وه‌ی شاری حه‌له‌به وه‌ك وێرانكاریی ترو پشتیوانی زیاتری هه‌یه ،
هه‌ر له چین تا روسیا.قه‌سابخانه‌كان دژی ئه‌هلی سوننه كۆتاییان نایه‌ت و ده‌ستێكی
باڵای نێوده‌وڵه‌تی ده‌ستی خستۆته ئه‌و گۆماوه خوێنه‌و به‌رده‌وامیش هاوكاریی ده‌كرێن
وه‌ك ئێران و ڕوسیا به‌تایبه‌ت ڕۆڵی سه‌ره‌كیان هه‌یه، كه باسكردنی ئه‌و پرس و
بابه‌تانه‌ی په‌یوه‌ستن به‌وه‌وه، جگه له‌وه‌ی هه‌ستێكی ئیسلامییه‌و ته‌واوی ویژدانی
خاوه‌ن ویژدانه‌كان ده‌هه‌ژێنێت و له‌گه‌ڵ ئه‌وه‌ی پرسێكی مرۆڤایه‌تی و جوامێرانه‌یه
به هه‌ڵوه‌سته‌یه‌ك و قسه‌كردنێك له‌سه‌ر ئه‌و یارییه‌ی به‌رده‌وام به‌موسڵمانان
و ته‌واوی مرۆڤه بێده‌سه‌ڵاته‌كان ده‌كرێت له‌سه‌رانسه‌ری جیهان به‌تایبه‌تی
دوژمنی دڵڕه‌قی پڕ له قینی نێوده‌وڵه‌تی (ڕوسیا و ئێران و ڕژێمی ئه‌سه‌د) به‌هاوكاریی
ئه‌مریكاو كۆمه‌ڵگه‌ی نێوده‌وڵه‌تی.ئه‌وه‌ی جێی داخه میدیا و ڕاگه‌یاندنی كوردیی
و میدیا تائێستاش وه‌ك بڵێی به‌شار ئه‌سه‌د تاوانی به‌رامبه‌ر ده‌كرێت، ناوهێناوی
وه‌ك خۆی ده‌هێنن ، به‌ده‌سته‌واژه‌ی (سوپای سوریا...به‌شار ئه‌سه‌د سه‌رۆكی سوریا.......هتر)
چه‌ندین ده‌سته‌واژه‌ی تر، ئێ باشه ئێمه‌ش ده‌ڵێن ئه‌وكاته سه‌رۆكی سوریایه كاتێك
گه‌له‌كه‌ی ئاسووده بكات، به‌ڵام ئێستا به چوار ده‌وڵه‌تی به‌هێزو ده‌مارگیرو خوێنڕێژه‌وه
به هاوكاریی و ده‌ست له پشتدانی كۆمه‌ڵگه‌ی نێوده‌وڵه‌تی بۆردمانكردنی خه‌ڵكی سڤیل
به‌رده‌وامی هه‌یه دیكتاتۆرو تۆڕه هه‌واڵگرییه‌كانیش به دووربین و له‌سه‌ر شاشه‌ی
ته‌له‌فزیۆنه‌كان ته‌ماشای ده‌كه‌ن.
هاوكات له‌گه‌ڵ بڵاوبوونه‌وه‌ی ئاماره‌كان و داته‌پاندنی
خانووه ڕماوه‌كان و هه‌زاران كه‌سی قوربانی و برینداربوونی هه‌زارانی دیكه نیشانه‌ی
پرسیاری له‌سه‌ر ته‌واوی ڕاگه‌یاندنه‌كانی جیهانی ئه‌وروپی وعه‌ره‌بی خۆفرۆش و هه‌ندێ
له كلكه میدیای كوریدی پاشكۆی ئه‌و هێزه هه‌رێمی و نێوده‌وڵه‌تیانه دورست
كردووه به‌تایبه‌تی پاشكۆكانی ئێران ڕۆڵێكی سه‌ره‌كی ده‌گێڕن له‌و ململانێیه‌دا.لێره‌وه
ئه‌وه بیر هێزه عه‌لمانییه كوردییه‌كان دێنمه‌وه كاتێك باس له شۆڕش ده‌كه‌ن و
هێزی شۆڕشگێڕیش به لاده‌ر له‌یاسا ده‌زانن ، كاتێك له كه‌ناڵێكی كوردیی وا شڕۆڤه‌ی
دۆخی حه‌له‌ب ده‌كرا ، گوایه ئه‌وه شه‌ڕێكی ناوخۆییه‌و نابێت ده‌ستتێوه‌ردان بكرێت
ئه‌گه‌ر به ته‌حلیلێكی سیاسییش بێت، به‌ڵێ به‌ڕاستی ویژدانی مرۆڤایه‌تی مردووه و
كه‌سیش ناتوانێت عه‌قڵی بكاته‌وه ته‌نانه‌ت به وشه‌یه‌كیش هه‌ستی مرۆڤانه‌ی خۆی
ده‌رببڕێت و ئیدانه...یان ناڕه‌زایی ده‌ربڕینێكیش بێت باسی لێوه بكات.
نوێترین نوسینەکانی هێدی هه‌ولێری
-
هێدی هه‌ولێری
21/08/2021
-
هێدی هه‌ولێری
14/07/2021
-
هێدی هه‌ولێری
27/10/2020
-
هێدی هه‌ولێری
11/08/2020
-
هێدی هه‌ولێری
14/05/2020
-
هێدی هه‌ولێری
02/05/2020