باڤل و قوباد و لاھور لەنێوان وەھم و سەراب وحەقیقەتدا..!

وتار/ 06/08/2021 540 جار بینراوە

دڵشاد مه‌جید

باڤل و قوباد و لاھور لەنێوان وەھم و سەراب وحەقیقەتدا..!

دڵشاد مجید
سیاسەت  تێگەیشتنە لەواقیع..  واتە ھاوکێشەیەکە ، دەبێت پێش ئەوەی ھەر ھەنگاوێک یا بڕیارێکی سیاسی بدەی ، دەبێت واقیعی مەسەلەکە یا بابەتەکە بەرھەردوو دیووی ( ذاتی و مەوزوعی)، لەگەل سەرجەم رەھەندە مێژووی و جوگرافی و کۆمەلایەتی و ئابووری وسۆسیۆلۆجیەکانی ئەو کۆمەڵگایەت ،  لە کەلتوور و پەیوەندییە ئاساییەکان و حەز و  ڕق و خۆشەویستی و  جۆری ژیانی ئەو پانتاییە جوگرافیەت خۆندبێتەوەو دیراسە و ڕاڤەت کردبێ.

ھەروەھا کات و شوێن و ڕەوایەتی ئامانجەکشت لەبەرچاوگرتبێ.
جگەلەمە بەلایەنکی کەم دەبێت خاوەن مەعریفەکی سیاسی یا روئیاکی سیاسی یا ئەزموونێکی سیاسی بیت.
لەھەمووشی گرنگتر ھۆکارەکانی دابەشبوونی ھەرێمەکەت بۆسەر دوو زۆن لەبەرچاوبێ.
بۆئەوەی بتوانی لەکات  و زەمانی و شوێنی گونجاو بڕیار بدەی .

کاتێ ئەم ڕەھەندانەت شەن و کەو کرد، ئەوکات  دەتوانی بەبێ ئەوەی ھێز بجوولێنی،  یا ترس و توقاندن بڵاوبکەیتەوە، بڕیارەکەت جێگیر بکەی و بیسەپێنی.
بەڵام کاتێ  ئەو خوێندنەوەت نەبوو ھەروەھا ئەزموون و مەعیرەفەی سیاسیت نەبوو،  وە ئامانجی ڕەواو بەجێت نەبێ.
چەند  ھێزت لەبەردەست بێ، چەندین ھێز پشتگیریت بکات، ھەرچەند خاوەنی توانایەکی بەھێزی دارایش بیت ، ناتوانی سەرکەوتوونی تەواو و بەردەوام بەدەسبھێنیت .

لێرە سەرکەوتن دەبێتە وەھم وسەراب، ھەنگاو لە دوای ھەنگاوت ، بۆ گۆرینی ئەو وەھم سەرابە بۆ حەقیقەت و بەرجەستەکردنی سەرکەوتن ، تووشی شکست و لەدەستدانی کەرەستەکانی یارکەکەت دەکات، بەمەش بواری مناوەرەت کەمتر دەکاتەوە و  خۆدەربازکردنتیش لەو گێژاوە بەرتەسک تر دەبێتەوە.
بەمەش یا دەگەرێیتەوە خاڵی سفر، یانیش لەیاریەکە (ئاوت )دەکرێی یانیش دەبێت تەسلیم بیت.

سەرەڕای ئەوەی باڤل و قوباد تاڵەبانی،  خاوەنی ھێز بوون ، خاوەنی سەرمایەکی مادی زۆر بوون، ھەروەھا خاوەنی پشتگیریەکی بەھێزی پارتی و تورکیابوون ، جگەلەمە خاوەنی بێ دەنگیەکی زۆری ئێران و عێراق  و ئەمریکان بوون.

 بەڵام ئەوە بۆ  نزیکەی مانگێک دەبێت نەیانتوانیەوە، لاھوری شێخ جەنگی لەجێگای خۆی بجوڵێنن.
بەڵکو  تا ئێستا نەیانتوانیوە قەناعەتی  تەواو بە قیادەو قاعدەی حزبەکەشیان بھێنن.

ھەروەھا نەیانتوانیوە ، پشتگیری حزبەکانی دەرەوەی (بازنەی پارتی)  و عەشیرەت و کەسایتیەکانی  و نوخبەی زۆنی سەوزیش بەدەستبھێن. جگەلەمە لەبەر ناڕەوایەتی ئامانجەکەشیان و لێکەوتە خراپەکانی ئەم پرۆسەیە، ترسان ھێز بەکاربھێن، وە ھێزەکانیش  لەبەر ھەمان فاکتەر دوودڵ بوون و  ترسان ھاریکار بن.
تا ئێستا ئەوەی لەمەشھدە سیاسیەکە بەرجەستەی دەکەین.

لاھور بەھێزتر دەردەکەوێ، ھەروەھا دەرکەوت لاھور  سیاسیانە کاردەکات، بەتەواوەتی سەری خۆی لەبەرامبەر ئەو ڕەشەبایە نەویکردووە و پراگماتیگانە مامەڵە دەکات، دروشم و دروشم بازی ناکات، خۆی تەسلیمی واقیعە کردووە،  نەبوونی کاردانەوەی تووندی ، ھەموو کەرەستەکانی ھێزی لەلای دیووی ڕکابەر ئفلیج کردووە.
بەڵام بەشێوازێک خۆی نمایش دەکات و دەردەخا، کە ئەو قوربانی گەلەکۆمەیەکی زاڵمانەیە.

 قوربانیش لای عەوامی خەلک  ھاوسۆزی بەرھەم دێنێ ، ئەو ھاوسۆزیەش دەبێتە مایەی ئەوەی کەئەم کارەکتەرە لەسەر (حەق)  دەرکەوێ، بۆیە ئەم گەلەکۆمەیەی لێ دەکرێ. !!

لێرە حەقەکەی لاھور  لەو زڵمەی لەلایەن زاڵمان  لەدژی دەکرێ  و مەزڵومیەتەکەی دەبێتە حەقیقەت.
بەلام ئەو حەقەی باڤل و قوبادیش لەو خۆ گیفکردنەوەو ھەرەشە و دروشم بازیانەی بەپشتیوانی زاڵمان لەلاھوری دەیکەن ، دەبێتە وەھم و سەراب و کودەتا و زوڵم و درۆ و ناڕاستی.
جا لێرەوە  باڤل و قوباد بۆ مانەوەیان لەسەر شانۆکە  یادەبێت  پاشەکشە بکەن، دوخەکە  بگەڕێننەوە پێش ٨ ی تەموز.

یانیش بەردەوام بن، تا ئەوکاتەی ئەو ھێزانەی کەلێیان بێ دەنگ بوون دێنە سەرخەت و  ناچاریان دەکەن دۆخەکە ئاسایی بکەنەوە، یان (ئاوتیان) دەکەن، یانییش ناچاریان دەکەن تەسلیمی لاھور بن.

چونکە لەو چوارچیوە ، نیاز وایە لەھەفتەی داھاتوو ئێرانیەکان بۆ بەلاداخستنی ئەو کێشەیە بەجدی بێتە سەرخەت، ئەگەر تا ڕۆژی یەکشەمە باڤل و قوباد نەگەنە دەرئەنجامێک. ئەوا ئەگەری خاوبوونەوەی کێشەکە یا ئاساییکردنەوەی دۆخەکە دێتە پێش.

لەولاشەوە ئەو ھێزانەی پشتگریان لەباڤل و قوباد دەکرد، دەگەنە ئەو قەناعەتەی، کەئەمان ھەڵەبوون لە ئومێدپێکردن  و پشت بەستن بە ئەسپێکی دۆڕاو.

لەکۆتایدا بەخوێندنەوەی من ، ئەگەر کێشەکە بەتەواوەتی بنبڕ نەکرێ، بەردەوام ئەگەری سەرھەڵدانەو و دووبارە بوونەی  بەکراوەیی دەمێنێتەوە. بەڵام ئەگەر توانیان جارێکی تر پێکەوە کاربکەن، ئەمە فلیمێکی ترە، من سیناریۆی ئەو فیلمەم لای بەشێک لەھاوڕێکمان باسکردووە.

نوێترین نوسینەکانی دڵشاد مه‌جید