یان ناچن بۆ ئاش، یان ئاشەوان دەکوژن !
وتار/
11/09/2020
592 جار بینراوە
عەبدولستار مەجید
یان ناچن بۆ ئاش، یان ئاشەوان دەکوژن !
*عەبدولستار مەجید
سه‌ردانی مسته‌فا كازمی بۆ هه‌رێمی كوردستان و به‌سه‌ركردنه‌وه‌ی
پارێزگاكانی هه‌رێم كارێكی باش و جێگه‌ی ده‌ستخۆشییه و وه‌ك سه‌رۆك وه‌زیرانی عێراقیش
ئه‌ركێتی كه به یه‌ك چاو سه‌یری هه‌موو عێراق و هاوڵاتییانی
بكات به هه‌رێمی كوردستانیشه‌وه .
به‌ڵام ئه‌وه‌ی
جێگه‌ی سه‌رنجه، كاردانه‌وه و خۆشحاڵیی و پێشوازیی خه‌ڵكی هه‌رێمی كوردستانه بۆ
سه‌ردانی به‌ڕێزیان و پێشكه‌شكردنی یاداشت و داواكاریی به سه‌رۆك وه‌زیرانی عێراق
كه زۆربه‌یان له ده‌وری بودجه و موچه ده‌خولێنه‌وه !
كاتێك له‌م دیمه‌نانه قوڵده‌بیته‌وه ئینجا تێده‌گه‌یت كه ده‌سه‌ڵاتدارانی كورد چی كاره‌ساتێكیان به‌سه‌ر ئه‌م میلله‌ته‌دا هێناوه و چۆن خواست و خه‌ونی خه‌ڵكی كوردستانیان ته‌نها
له موچه‌دا كورت كردوه‌ته‌وه !
ئه‌و
گه‌شبینی و خۆشحاڵیی و ئومێده‌ی
خه‌ڵك به‌رامبه‌ر سه‌رۆك وه‌زیرانی عێراق و سه‌ردانی بۆ هه‌رێمی كوردستان هه‌یانه،
له گه‌وره‌یی و كاریزمایی و فریادڕه‌سیی به‌ڕێز كازمیی نیه، هێنده‌ی نه‌مانی پێگه
و خۆشه‌ویستی و ویستراوی ده‌سه‌ڵاتدارانی هه‌رێمی كوردستانه له‌ناو میلله‌ته‌كه‌ی
خۆیاندا !
نه ئه‌و
لوت به‌رزی و خۆبه‌گه‌وره زانینه‌ی سه‌رانی كورد كه چه‌ند ساڵێك هیچ حسابێكیان بۆ
هیچ كه‌س نه‌ده‌کرت و گوێیان له میلله‌ت و دۆستانی میلله‌ته‌كه‌شمان نه‌ده‌گرت، ئه‌م هه‌موو خۆ به‌كه‌مزانین و سازشكردنه كه كارێكیان كردووه میلله‌تیان
برسی و بێكار و هه‌ژار كردووه و بۆ دابینكردنی ژیان و گوزه‌رانیان، چاوی ئومێدیان له هه‌ر كه‌سێكه كه له به‌رپرس و ده‌ستڕۆیشتوو و كاربه‌ده‌ستانی
هه‌رێمی كوردستان ڕزگاریان بكات !
میلله‌تی ئێمه
هی ئه‌وه نه‌بوو وای لێ بكرێت
كه هه‌موو ئیراده و خواستێكی ببێته
موچه و ژیانێكی شه‌ره‌فمه‌ندانه، به‌ڵام كاتێك ده‌بینێ ده‌سه‌ڵاتێكی گه‌نده‌ڵ
حزب و بنه‌ماڵه و شه‌خس و خزم له‌سایه‌یدا بوونه‌ته ملیۆنێر و زۆرینه‌ی كۆمه‌ڵگه‌ش
چاوی له نیو موچه و گوزه‌رانێكی مه‌مره و مه‌ژیه، ئیتر ئه‌مه ئه‌و كاته‌یه كه ئه‌بێ
ئه‌وانه‌ی به زۆر و له ژووره داخراوه‌كاندا خۆیان به
خاوه‌ن ده‌زانن، تێبگه‌ن ئه‌م
میلله‌ته‌ی ئێمه سته‌م و زۆرداری به‌عس
و ئه‌نفال و كیمیاییباران نه‌یتوانی
بێهیوای بكات، چه‌ند له سه‌رۆك و سه‌ركرده و بڕیاربه‌ده‌ست و ده‌سه‌ڵاتداره‌كانی
ئه‌مڕۆی توڕه و بێزار و ڕه‌شبینه !
سەرۆکی
فراکسیۆنی کۆمەڵ
لە پەرلەمانی کوردستان
نوێترین نوسینەکانی عەبدولستار مەجید
-
عەبدولستار مەجید
14/03/2021
-
عەبدولستار مەجید
18/12/2020
-
عەبدولستار مەجید
11/09/2020
-
عەبدولستار مەجید
16/07/2019
-
عەبدولستار مەجید
31/05/2019
-
عەبدولستار مەجید
29/01/2019