گەڕانەوەی کورد بۆ سەر شانۆی سیاسی عێراق و ڕۆڵی سەرۆک کۆمار لەبەغدا

وتار/ 30/12/2019 543 جار بینراوە

بـــەختیار محمود

گەڕانەوەی کورد بۆ سەر شانۆی سیاسی عێراق و ڕۆڵی  سەرۆک کۆمار لەبەغدا


لەم کاتەدا عێراق بە هەلومەرجێکی ئاڵۆزی  سیاسی و کۆمەڵایەتیدا  تێدەپەڕێت و مەترسی هەمەجۆر لە  ئارادایە ، دەستی هەرێمایەتی وکارکردن بۆ هەرەس پێ هێنانی بڕیاری سەربەخۆی دەوڵەت لە چەند جەمسەرێکی جیاوازەوە پەنای بۆ دەبرێت، ڕوووبەربوونەوەی ئەو هێزانە پێویستی بەئیرادە و پاڵپشتی نشتیمانی هەیە ، شەقامی عێراقیش لەم ساتەدا بە گوشارەکانی زەنگی ئاگادار کردنەوە و نوێبوونەوەی خۆی داوە بە گوێی لایەنە سیاسییەکان و دەسەڵاتدارانی دەوڵەتدا .

دیزاینی  ڕاست و دروست بۆ  نوێبونەوەی عێراق ، سەرکردایەتی کردنی  وڵاتە لە ناو خۆیدا ،  عێراق لەسەر  لاواندنەوە و  ڕازی کردنی  کارێزماکانی  ڕابردوو  ناژی بەڵکو  لەسەر  نەخشاندنی  داهاتووی  کۆمەڵگە  دەژی ،  هاوتەریب  لەگەڵ  گۆڕانکارییەکانی جیهان ، عێراقیش وەک  دەوڵەتێک  پێویستی بە خۆگونجاندنە بۆ  ڕووبەڕبوونەوەی ئەو  تەحدایانەش  دیسان  پێویستی  بە قیادەکردن و  ڕابەرایەتی  کردنێکی  نشتیمانی  هەیە ، بە ڕەچاو کردنی  بەرژەوەندی باڵای وڵات .

دەوری کورد  لەو  هاوکێشەیەدا چۆنە؟

کورد بەشێکی گرنگە لە دەوڵەتی عێراق ، ماوەیەک لەمەو بەر پەیوەندییەکانی  کورد لەگەڵ  دەسەڵاتدارانی حکومەتی ناوەند پێی نایە قۆناغێکی نوێوە بە پشتیوانی دۆستەکانی کورد لەبەغدا و ، وەک وێستگەیەکی تازەش لە بنیاد نانەوەی  پەیوەندی دوو لایەنە تەماشا کرا ، بەڵام  لەم  هاوکێشەیەدا  بەرهەم سالح  وەک کارەکتەرێکی  دیار  ڕۆڵی میحوەری بینی تا گفتوگۆکان بە بنبەست نەگات  و چارەسەر و  دەرگای نوێی دەکردەوە تا دواجار  لێکتێگەیشتنێکی  هاوبەش دروست بوو ، کاریگەری سەرۆک کۆمار هۆکار بوو بۆ هاندانی هەردوولا  تا  گەیشتن  بەو  ڕێکەوتنەی کە تا ئەم کاتە  ئومێد بەخشە بۆ خەڵکی کوردستان .

ئێستا لەسەر  لایەنە سیاسییە کوردییەکان  پێویستە  گوتارێکی یەکگرتوویان هەبێت بۆ  پشتیوانی پێگەی کورد لەبەغدا ، چونکە بە هێزیی  کۆشکی  سەلام لەبەغدا  دەرکەوت  بە هێزییە بۆ  کورد ، هەر  ئەمەش  هۆکار بوو  بۆ  دووبارە گەڕانەوەی  کورد بۆ سەر شانۆی سیاسی لە بەغدا و گرتنەوەی جڵەوی هێز و  بەشدارکردنی لە  داڕشتن و بەڕێوەچوونی وڵات ،  پێشتر ڕۆڵی کورد لە بەغدا بنکۆڵ و لاواز بوو ، دەوری لە  بڕیارە  گرنگەکاندا  فەرامۆشکرابوو  ، هەر بۆیە مەسلەی بەغدا گرنگە بۆ کورد لەبەر کۆمەڵێ مەعادەلاتی نێودەوڵەتی و هەرێمایەتی و ناوخۆیش ، هەموو  ڕوداو و لێکەوتەکانی  بەغدا  بە جۆرێک لە جۆرەکان کاریگەری  ڕاستەو خۆیان لەسەر ئایندەی هەرێمی کوردستان دەبێت .


بەختیار محمود

نوێترین نوسینەکانی بـــەختیار محمود