شاسوار و سەدام!

وتار/ 25/05/2019 872 جار بینراوە

عه‌بدوڵاى مه‌لا نورى

شاسوار و سەدام!
عەبدوڵای مەلا نوری

حاکم رزگار ئەمین لە بەر ئەوەی لە دۆسیەی دادگایکردنی گەورە دیکتاتۆرو تاونکار سەدام حسێن دا، تا ئاستێکی باش رچاوی بنەماکانی مافی مرۆڤی کرد و مافی بەرگریلەخۆکردنی بۆ تۆمەتبار رەخساند، هەروەها پرۆسەکە بە ئاشکرا بەرێوە دەچو، سەرئەنجام پرۆسەی دادگایی و دادوەریەکە لەو قۆناغەدا وەک نمونەیەکی بەرزو جوان دەرکەوت.
دادپەروەری و دەستبەرکردنی مافی مرۆڤ تەنها بۆ تاونلێکراوان نیە، بەڵکو بۆ تۆمتبارانیشە، هەر دادگایەک نەتوانێ مافی تۆمەتبار بپارێزێت، هەرگیز ناتوانێ مافی تاونلێکرو وەربگرێتەوە.
دۆسیەکەی شاسوار بە شاراوەیی و بە بێ بەشداری هیچ لایەنێکی مافی مرۆڤ بەرێوە دەچێت، هاوکات دەزگای ئاسایش و دادوەرەکانی ئاسایش حیزبین، لە سایەی وەها دادگایەکدا دەرفەتی تەواو بۆ شێواندنی راستیەکان و بە لارێدا بردن هەیە.
دور لە رەدفعل و رقی شەخسی دەبێ داواکاری هەموان و بە تایبەت سکاڵاکاران ئەوە بێت سەرجەم پرۆسەی لێکۆڵینەوەو دادگایەکە بە پێی یاسا و بە لە بەرچاوگرتنی مافی مرۆڤ بەرێوەبچێت، بەدەر لەوە بەڕێوەچونی پرۆسەی دادگایی بەو جۆری ئێستا هیچ ئیعتیبارێکی نیە، بەڵکو دیوێکی تری تاوانکاری و تیرۆرە دەرحەق بە ئینسانەکانی ئەم وڵاتە.
ئەمە لایەنداری نیە بۆ کەسێکی دیاری کراو، بەڵکو داکۆکیە لە مافی مرۆڤ و سەروەریی یاسا.
خەڵک چاوڕێن راستیەکانی ئەم دۆسێیە لە ئەنجامی دادگایەکی ئاشکراو دادپەروردا بزانن و ببینن.
بەڵێ بۆ دادگاییکردنی ئەوانەی بە رێگای جیاجیا خەریکی جوێن و هەڵبەستنی تۆمەتن بۆ خەڵک، بەڵێ بۆ مافی مرۆڤ و سەروەری یاسا.

نوێترین نوسینەکانی عه‌بدوڵاى مه‌لا نورى