تۆمەتی تیرۆر وەک تەونی جاڵجاڵۆکە، دژ بەنەیارانی سیاسی

وتار/ 25/07/2018 531 جار بینراوە

کەمال ئەسکەندەر

تۆمەتی تیرۆر وەک تەونی جاڵجاڵۆکە، دژ بەنەیارانی سیاسی
نوسینی : کەمال ئەسکەندەر
ئەوەی ئێستا لەپایتەخت دەگوزەرێ دەرخەری ئەو مەترسیەیە کە بەردەوام فراکیسۆنی کۆمەڵ لەپەرلەمانی کوردستان درکی پێکروە و داوای پەکخستنی یاسای تیرۆری کردوە ، چونکە کاڵایەکی حازر بەدەستی دەسەڵات بوە وەک تەونی جاڵجاڵۆکە بۆ گرتنی ئەندامانی حزب وهێزە ئۆپۆزسیۆنەکان .

کاتێک هەر ڕووداو و پێشهاتێکی نەخوازراوی ئەمنی ڕوودەدات بێ یەک و دوو چەند فیلمێکی لەسەر دروست دەکرێ بۆ تێوەگلانی کەسە کاریگەرەکانی کۆمەڵگە .

کاتێ بینای پارێزگا لەئەنجامی کەم وکوڕی ونەبونی بەرنامەیەکی تۆکمەی ئەمنی چەند کاتژمێرێک دەکەوێتە دەستی سێ هەرزەکاری نەعل لەپێ ، کێ لێی بەرپرسە؟

ئەو چەکانەی هەرزەکارەکان بەکاریان هێنا هی کێن؟
باوکیان لەکام حزب و دەزگای حکومەت کاردەکەن ؟
بۆ دوای ڕووداوەکان پلانی ئەمنی بونی هەیە ؟ ئەدی پێش ڕووداوەکان چی ، مەگەر دەکرێ بینای بەرزترین یەکەی ئیداری کەپارێزگایە یەک پۆلیس پاسەوانی بێ ؟

مەگەر لێدوان و ڕوونکردنەوە جیاوازەکانی بەرپرسانی ئەمنی  بۆ گۆڕینی ئاڕاستەی ڕووداوەکانە ؟  یان لەئەنجامی بێ بەرنامەیی یانە؟

لەکۆتایی دا ئەوەمان بۆ ڕوون دەبێتەوە لەگەڵ هەر پێشهاتێکی نەخوزراو بێ سەروبەری زیاتری حکومڕانی کوردیمان لەهەرێمی کوردستان بۆ ئاشکرا دەبێ ، ئیتر بەئومێدی کوردستانێکی ئارام و دوور لە تەنگەژەی ئەمنی وسیاسی .

نوێترین نوسینەکانی کەمال ئەسکەندەر