سەرنجە یاساییەكان لەسەر پەیڕەوی نوێی پەرلەمانی كوردستان

وتار/ 11/06/2018 1056 جار بینراوە

دانا دارا

سەرنجە یاساییەكان لەسەر پەیڕەوی نوێی پەرلەمانی كوردستان

دانا دارا حسین
ڕاوێژكاری پەرلەمانی كوردستان

(1)
پەیڕەوەی ناوخۆ كۆمەڵێك ماددەیە بۆ  چۆنیەتی ڕێكخستن و بڕیاردان لەنێو دامەزراوەیەكدا، كە سروشتێكی ناوخۆیی هەمان دامەزراوەی هەیە، كە ئەم پەیڕەوەی كە لەبەر دەستدایە تایبەتە بە پەرلەمانی كوردستان.
   لەزۆرێكلەوڵاتاندا ئامانجی سەرەكی پەیڕەو ڕێكخستنی ڕۆڵا و كاریگەریە لەنێوان فراكسیۆنەكانی زۆرینە لەگەڵا ئۆپۆزسیۆن وپاراستنی هاوسەنگی نێوانیانە، هەروەها پاراستنی كافی كەمینەكان لە پەرلەمان و چۆنیەتی مامەلە لەگەڵا  هەر پرسێكی پەرلەمانیدا دەكات.
پەیڕەوی ناوخۆ بەوێنەی یاسای خودی دامەزراوەی پەرلەمان دادەنرێت و ئاوێنەی ململانێكانی   ناو پەرلەمانی كوردستانەو لە چوارچێوەی یاسای ژمارە(1)ی ساڵی(1992)ی هەموار كراودا وبەسوودوەرگرتن لە پەیڕەوەی كۆن و هەموارەكانی و ئەزموونی كاری پەرلەمانی چەندین وڵات نووسراوەتەوە.
چەند ڕاستیەكدا لەسەرەتادا پێویستە :
1- لەبۆشایی نەبوونی دەستووردا لەهەرێمی كوردستان، پەیڕەوی ناوخۆی پەرلەمان دەبێت بەشێوەیەك دابڕێژێت كە (مرن)بێت و بەئاسانی بە پێی گۆڕانكاریەكان هەموار بكرێتەوە.
2- لە ڕووی (مرتبە)وە هەروەك فقهای دەستوری ئاماژەیان پێداوە كە پەیڕەوی ناوخۆی پەرلەمان هێزی یاسایی خۆی هەیە و زۆربەیان دەڵێن كە پەیڕەو لەدەستور بچوكترە و لەیاسا عادیەكان گەورەترە ، هەندێكی تریان دەیخەنە ئاستی یاساوە، كەواتە ئەم پەیڕەوە بایەخی زۆری هەیە ، لە هەمان كاتدا وەك چۆن بۆ پەلەمانتاران هێزی پابەندی هەیە بۆ تەواوی فەرمانبەران و میوانانیش پابەندە(ملزمە).
3- نووسینەوەی پەیڕەوێكی نوێ بۆ پەرلەمان كە كۆنەكەیان زیاتر لە 20ساڵی كاری پێ دەكرێت و زۆر پرسی چاسەر نەكردووە  كە لە كاری پەرلەمانیدا دەهاتنەپێش.
بەڵام هەموو ئەمانە واناكات كە كۆمەڵیك سەرنج كە تێبینی زیادوكەم لەخۆ بگرێت نەخەینە بەردەست.
ئەمانەی خوارەوە سەرنجەكانن:
1-     لە بەشی یەكەمدا لە ماددەی(1)پێناسەی چەمكەكان كراوە، هەموویان گونجاون ئەم بەڵام ئەم دەستەواژانەش پێویستن كە پێناسە بكرێن:
- فراكسیۆن
– جۆرەكانیدەنگدان(زۆرینەی سادە وڕەها)
- خاڵی پەیڕەویی(نقگە النڤام)
– خولی گریدان.
-  یاسای ژمارە/1/ساڵی 1992ی هەمواركراو.
- الحصانە البرلمانیە
– پەرلەمانتار
2- لە ماددەی (2)دا لە تعریفی پەرلەماندا(ولایە عامە)ی بەسەر كۆی دەسەڵاتەكانی تردا باس نەكراوە، كە لە سیستەمی پەرلەماندا شەرعیەت بەدەسەڵاتی جێبەجێ‌ كردن دەدات و متمانەی پێ‌ دەبەخشێت بە پرەنسیپی (سلگە یوقف سلگە) وتوازن و تنسیق قوڵا دەكاتەوە.
3-ماددەی(3)ووتەی خۆرسك بگۆرێت بە (خۆبەخۆ).
4- ماددەی(6) بۆی زیاد بكرێت (بەسوێند خواردنی ئەندامانی پەرلەمان لەیەكەم دانیشتنی دەستپێ دەكات....)
5- ماددەی(7)م ڕای دووەم پەسەندە،هەروەها هەردوو چەمكی (وەرزی گرێدان) و(وەرزی یاسادانان) واتا (الفصل التشریعی) بكرێتە ئەوەی دووەم، واتا (وەرزی یاسادانان).
6- ماددە(9) : یەكەم/ ڕای یەكەم پەسەندە.
ماددە(10) : وەك خۆی پەسەندە، تێبینیەكە دروست نیە لەبەر ئەم هۆكارانە:
-      نیەتێكی پارتێكی دەسەلاتدار لە هەرێم هەیە كە باڵانسی هێز ودەنگدان لەناو خودی دەستەی سەرۆكایەتی تێكبدات بە زیادكردنی جێگرێك یان زیاتر.
-      ئەگەر جێگرێك زیاد بكرێ‌ یان زیاتر ئەوا دەستەكە لە فەردیەوە دەبێتە زەوجی ئەوەش بۆ كاتی یەكلایی كردنەوەی هەر پرسێك نا یاساییە.
-      ئەگەر بۆ پێكهاتەكان هەریەكەیان جێگرێك هەبێت ئەوا دەبێت بۆ سەرجەم حزبەكان جێگرێك زیاد بكەین، ئەمەش لە ڕووی واقعیەوە گونجاو نیە وە دژ دەوەستێت لەگەل پرۆسەی كەمكردنەوەی پلە باڵاكان.
-      خودی جێگر لەكاتی بوونی سەرۆكدا دەسەلاتەكانی زۆر دیاری كراوە بۆیە زیاد كردنی ئەم پۆستە هیچ لە بابەتەكە ناگۆڕێ‌.
7- ماددەی 11: بگۆرێت بە سەرۆكی تەمەن(رئیس السن ) وە بڕگەی( سێیەم)(ئەركیشی بگۆڕێت بە ئەركی سەرۆكی تەمەن).
8-ماددەی 21  : مەرجەكانی(صحە العچویە )لە پەیڕەوی زۆرێك لە وڵاتان هەیە باشترە بمێنێتەوە، بەڵام خاڵی (یەكەم)پێویست ناكات چونكە  دروستی ئەندامێتی جیایە لە مەرجی پاڵێوراو كە لە یاسای ژمارە (1)دا هاتووە.
9-ماددەی 22 : لە ئەركەكانی ئەندام خاڵی 1 دەستەواژەی (هۆیەكی ڕەوا) گرنگە بمێنێتەوە.

(2)
ماددەی  23/ 1 / بونوسرێت بگەرێتەوە بۆ وەزیفەكەی پێشووی بەتەواوی ئەرك و مافە یاساییەكانیەوە ...
- خاڵی یەكەم / لە هەمان ماددەی ( پێش كۆتایی ) چونكە باسی كۆتایی هاتنی  ئەندامێتی دەكات .
ئەم ماددەیە پرسی خانەنیشینی ئەندامانی پەرلەمانی چارەسەر نەكردوە لە كاتێكدا  هەموو دەزانین كە یاسایەك ئەم پرسەی چارەسەركردوە بۆیە  ئەگەر بڕیار بێت خانەنشینی ئەندامی پەرلەمان نەمێنێت ئەوا دەبێ یاساكە هەموار بكرێتەوە، یان هەر دەقێكی دیكەی تر بۆ ئەم پرسە بنوسرێتەوە .
ماددەی 24 / حصانەی پەرلەمانی تێبینی سەرەكی لەسەر ئەوەیە كە ئایە حەصانەی پەرلەمانی بمێنێ‌ یان نا ؟
چونكە ئەم دەستەواژەیە لەگەڵا سەروەری یاسا و یەكسانی هەمووان لەبەرامبەر یاسادا گرفت دروست دەكات، وە ئایا ئەگەر حەصانەی پەرلەمانی نەمینێت پەرلەمانتار هەموو جولەیەكی یاسایی بۆ پرسیارو بەدواداچوون مانایی دوژمنایەتی و ناكۆكی بۆدەبیندرێتەوە وە مەترسی دروست دەكات لەسەرژیانی .
1-  ماددەكە پێناسەی حەصانەی نەكردوە، كە پێویستە لەسەرەتادا پێناسەی ئەم چەمكە بكات .
2-  (دەستەواژەی رێزگرتن لە دامەزراوە دەستوریەكانی هەرێم ) پێم زیادە وە بگۆرێت بە ( لە چوارچێوەی كاری پەرلەمانتاری و یاسا كارپێكراوەكان ) .
3- سەرجەم خاڵەكانی ماددەی حەصانە پێویستە رێزبەندیەكەی چاك بكرێت، نمونەی وەك بڕگەی ( 10+11 )  بكرێتە (1+2 ) .
4- خاڵی دووانزە رای یەكەم بە پەسەند دەزانم بە مەرجێك ( لە چوارچێوەی كاری پەرلەمانی دابێت ) .
ماددەی :25
برگەی دووەم پێویستە لە بابەتی ( دەست لەكاركێشانەوە ) دابندرێت، چونكە چارەسەری ئەگەری دەست لە كاركێشانەوە بەپێ ی ساڵەكانی خزمەتی پەرلەمانتاری وە مافە یاساییەكانی رێكبخرێتەوە .
ماددەی : 28 / لیژنە هەمیشەییەكان
- خالی (3 ) لیژنە سكرتێری خۆی دەبێت زۆرباشە.
لەگەڵی دا زیاد بكرێت كە لیژنەكان راوێژكاری تایبەت بە پسپۆری خۆیان دەبێت وە ئامادەی كۆبوەنەوەكان دەبن.
- خاڵی (2) ژمارەی ئەندامانی لیژنەكە زیاد بكرێت، بەڵام بە شێوەیەك بێت كە ژمارەی لیژنەكان هەر بە فەردی بمێنێتەوە .
ماددەی :29
لیژنەكانی پەرلەمان كەمبكرێتەوە وە بە شێویەك بێت هەندێكیان یەك بخرێن، وە پێشنیار دەكەم بەم شێوەی لێبكرێت .
1- لیژنەی كشتوكاڵ و شارەوانی یەك بخرێن.
2- لیژنەی مافی مرۆڤ و مافی ئافرەت یەك بخرێن .
3- لیژنەی ئەوقاف و كاروباری ئایینی و لیژنەی كاروباری كۆمەڵایەتی یەكبخرێن .
ماددەی :32
هەرسێ‌ برگەكەی باشە و گونجاوە، بەڵام بۆ ریكخستنی كاروباری راوێژكارەكان گونجاوترە بنوسرێت بەكارنامەیەك رێك دەخرێت .
ماددەی :40
گونجاوترە بەم شێوەیە دابرێژرێتەوە :
( هەموو لیژنەیەكی هەمیشەیی بانكێكی زانیاری دەبێت كەناوی پسپۆر و شارەزایان لە خۆدەگرێت پەیوەست بەكاری لیژنەكەوە وە لەكاتی پێویست راوێژیان بێ دەكات .
ماددەی :41
ئامانجی دانیشتنی گوێگرتن ( جلسە الاستماع )  ئەو چین و توێژانە باسیان لێوەكراوە لە دەقی ماددەكەدا نەهاتووە كە ئایە ئامانج لەو دانیشتنانە چیە ؟
ماددەی :42
دەقەكە وەك لە راپۆرتەكەدا هاتووە باشە، بەڵام ئەوەش گرنگە لیژنە هەمیشەییەكان لەكاتی گەندەڵی و سەرپێچی دا لە فەرمانگە حكومیەكان كە دەیدۆزنەوە، دۆسیەكەی ئاراستەی دواكاری گشتی بكەن بۆ لێكۆڵینەوە .
ماددەی :43
دەستەواژەی ( لیژنەكان بۆیان هەیە ) كە داوای بەژداریپكردنی وەزیری پەیوەندیدار بكەن هەروەها ( وەزیری پەیوەندیدار بۆی هەیە ) ئەم دەستەواژانە گونجاو نیە بۆ پەیڕەو وە باشە بنوسرێت لە بڕی بۆی هەیە بنوسرێت ( پێویستە وەزیری پەیوەندیدار ) چونكە پەرلەمان ولایەتی عامەی هەیە وەناكرێت دەرفەت بێڵینەوە بۆ ئامادەنەبوونی وەزیر لەكاتی پێویست دا بۆ لیژنەكان، وە ئەمەش دەرفەت دەهێڵێتەوە كە خۆدزینەوەی وەزیر درووست ببێت لە پرسە هەستیارەكاندا .
ماددەی : 44
برگەی ( 1 ) لە پێكهێنانی لیژنە تایبەتەكان یان كاتی بنوسرێت( پەرلەمان لیژنەی كاتی لە ئەندامان ...)  پێكدەهێنێت .
ماددەی :46
بە هۆی ئەوەی زۆرێك لە ئەندامی لیژنەكان بۆ ئەندامانی پەرلەمان ئاشكرا نابێتن واباشترە كە سەقفی زەمەنی بۆ كاری لیژنەكان دابندرێت وە بۆ تەنها یەكجار ماوەكەیان بۆ نوێ بكرێتەوە وە باش كۆتایی هاتنی كارەكەیان تەواوی ئەندامانی پەرلەمان لە ئەنجامی كاری لیژنەكە ئاگادار بكرێنەوە .
ماددەی :51
پێشنیاردەكەم بڕگەی ( بیرۆكە ) لە بەرنامەی كاردا جێگیر بكرێت بە بەردەوامی وە بەڕەزامەندی دەستەی سەرۆكایەتی هەركۆبونەوەیەك لەماوەی (10) خولەكدا چەند پەڕلەمانتارێك بیرۆكەی پێویست و پەیوەندیدار بەكێشەی خەڵكەوە پێشكەش بكرێت، پاشان سەرۆكی پەرلەمان بڕیاربدات كە بیرۆكەكە بۆ لیژنەی تایبەتمەند ڕەوانە بكات بۆ كاركردن لەسەری .
ماددە: 53
كارنامەی هەفتانەی پەرلەمان بەپێی ڕۆژەكانی هەفتە گونجاوە , بەڵام ڕۆژانی پێنج شەممە كە بۆ گفتوگۆ لەگەڵ وەزیر دانراوە گونجاوترە یەكێ لەم دەستەواژانە بەكاربێت چونكە ئەمانە دەستەواژەی یاسایین وەك ( بانگهێشت , میوانداری , گوێ‌ بیست بون ) .
ماددە 54:
پێشنیار دەكەم سەرۆكی پەڕلەمان لەكردنەوەی هەر دانیشتنێك دا (كلمە )یەكی هەبێت , لە (5) خولەك تێپەڕ نەكات , كە تیایدا ئاماژە بە تەوەر و بارودۆخی گرنگ بدات .

ماددە: 61
لەباسی خاڵی پەیڕەوی (نقگە نڤام ) :
1-     بنوسرێت : مۆڵەتی ئەندام بۆ خاڵی پەیڕەوی بە هێمای دەست دەبێت .
2-     پێویستی ئەندام لە خاڵی پەیڕەوی دا ئاماژە بە ماددە قانونیەكە بكات كە پێشێلكراوە .
ماددە : 62
بخرێتە بەشی (بەرزەفتكردن ) گونجاوە .
ماددە: 68
دوا مۆڵەت بۆ گەیشتنی وەڵامی پرسیارەكە لە 21 ڕۆژ بكرێتە (15) ڕۆژی دەوام .
ماددە: 79
پێناسەی پرساندن پێداچونەوەی پێدا بكرێت .
ماددە: 81 مەرجەكانی پرساندن
ئامادەبونی وەزیر بەمەبەستی پرساندن رەزامەندی مەرجەعی خۆی نەوێت و پێویستە ئامادە بێت .

 (3)
ماددەی :88 / بەشی یاسا دانان
پێشنیاردەكەم ئەم بەشە لە رووی ریزبەندیەوە بخرێتە پێش بەشی چاودێری كردنەوە، چونكە ئەم ئەركەی پەرلەمان كە یاسا دانانە گەورەترین وەزیفەی پەرلەمانیە و لە پلە دوو دا ئەركی چاودێریكردن و پەسەندكردنی بوجە دێت .
ماددەی :89
برگەی ( دوو ) بۆ كۆكردنەوەی لایەنی كەم دە ئیمزا بۆ پێشنیاری یاساو پێشنیاری بڕیار، ئەم رێكارە تەنها لە رووی شەكلیەوەیە وە هیچ بایەخی بۆ پەسەندكردنی پێشنیارەكە نیە وە  تا ئێستا نازاندرێت كە ئایا جەدوایی ئەم دە ئیمزایە چیە ؟
ئایا ئەم ئیمزایانە بۆ دە دانیە و كەمتر نیە ئەگەر لە رێژەی سەدی كۆی ئەندامان دەرهێندراوە ئەوا دەبێت یانزە ئیمزا بێت نەك دە وە ئەگەر تەواوی ئەندامانیش ئیمزا لەسەر پێشنیازێك بكەن ئەوا لەكاتی دەنكداندا هیچ بایەخی نابێت بۆ پەسەندكردنی پڕۆەكە .
بۆیە پێشنیاردەكەم ژمارەی ئیمزاكان كەمبكرێتەوە بۆ پێنج ئیمزا .
برگەی سێ‌ لە پەیرەوە نوێكەدا یەكەمین جارە لە هەرێمدا رێگەی داوە ئەنجومەنی دادوەری كە ئەركی جێ‌ بەجێ كردنی یاسایە ( تگبیق القوانین ) كە پێشنیازی یاسا بكات لەو بابەتانەی كە بە ئەنجومەنەكەوە پەیوەندیدارن.
- برگە ( 4) دامەزراوە فەرمیەكان ئەگەر بەستراونەتەوە بە حكومەتەوە ئیتر چۆن دەتوانن خۆیان پڕۆە پێشنیاری یاسا بۆ پەڕلەمان رەوانە بكەن لە كاتێكدا ئەوان خۆیان لەرێ‌ ی مەرجەعی خۆیانەوە دەتوانن بەم ئەركە هەڵسن .
ماددەی : 91
لەكاتی نەبوونی یەكێك لە پێوەرەكان وا گونجاوترە كە داوای رونكردنەوە لە یەكەم ناوی لیستی ئیمزاكان بكرێت  كە بۆ لیژنەی كاروباری یاسای روون بكاتەوە وە پاساوەكان ئاماژە پێ بدات، وە لەكاتی ئەوەی هۆكانی دەرچونی پڕۆژەكە قەناعەت پێهێنەر نەبوون ئەوا لەو كاتەدا لیژنەی یاسایی بڕیاردەدات كە خوێندنەوەی یەكەم بۆ پڕۆژەكە نەكرێت .
تێبینی / : پەیرەوی نوێ‌ جیاوازی كردوە لە نێوان هەردوو  ( پڕۆژە و  پێشنیاری یاسا  ) .
- پرۆژە یاسە : ئەو دەقەیە كە لەلایەن حكومەتەوە بۆ پەرلەمان پێشكەش دەكرێت .
- پێشنیازی یاسا : ئەو دەقەیە كە لەلایەن ژمارەی یاسایی ئەندامانی پەرلەمانەوە پێشكەشی سەرۆكایەتی دەكرێت .
ماددەی :95
هەرسێ‌ خاڵەكەی یەكەم ئەولەویەت وبایەخی داوە بە پڕۆژە یاسای حكومەت، وە پێشنیازی یاسای بچوكردۆتەوە، ئەمەش رۆڵی تەشریعی پەرلەمان سنوردار دەكا .
واتە : وەك لە بڕگە سێ‌ داهاتووە ئەگەر پڕۆژە یاسای حكومەت پێشكەش كرا، دەكرێت بە بنەماو پێشنیازی یاسای پەرلەمنتاران .
ماددە :97
لە برگە (2) لە ماددەی ناوبراو داهێنانێكی كردوە كە بریتیە لە ( بەشكردنی پرۆژە یاسا) (تجزیئە المشروع القانون ) ئەمەش ئیجابیاتی خۆی هەیە و  پرَۆسەی ساسا دانان خێراتر دەكات وە لیژنەكان تەنها لە بواری پسپۆری خۆیان لەسەر ئەو بەشەی پڕۆژە یاساكە بابەت دەنووسن، بەڵام بەو مەرجەی پڕۆژە یاسای ئاراستەكراو بەسەرجەم ماددەكانیەوە ئاراستەی لیژنەی پەیوەندیدار بكرێت بەمەبەستی ئاگاداربوون لە كۆی پڕژەكە .
ماددەی : 99
ئەم ماددەیە هەڵوەستەی زیاتری پێویستە لەم روانەوە :
1- ئەگەر كۆبوەنەوەی هاوبەش نەمینێت ئەوا راپۆرتی لیژنە لەسەر پڕۆژە یاساكە خێراتر تەواو دەبێت .
2- بەڵام لە كۆبوەنەوەی دووەمی پەرلەمان كە خوێندنەوەی دووەم بۆ پڕۆژەكە دەكرێت دواجار هەر دەبێت راپۆرتی لیژنەكان یەكبخرێت .
3- ئەگەر ئەم ئەركەش لیژنەی یاسایی بیكات كەواتە بۆ هەر پرۆژەیەك لیژنەی یاسایی سێ‌ ئەركی لەسەر دەبێت كە ئەوانیش ( تێڕوانین+ راپۆرت نوسین + داڕشتنەوەی یاسایی دەقی پڕۆژەكە ) كەواتە ئەم ئەركە زۆرانەش بۆ لیژنەی ناوبراو ماندووكەر دەبێت یاخود دەبێت ژمارەی ئەندامەكانی زیاد بكرێت .
4- پێویستە پرۆسەی كۆتایی دارشتنی یاسایی وەك ئەنجومەنی نوێنەرانی عێراق دوای پەسەندكردن فەرمانگەیەك هەبێت كە لە رووی یاسایی و زمانەوانیەوە دوا داڕشتن بۆ پڕۆژەكە بكات، پاشان بەرز بكرێتەوە بۆ سەرەوە .
ماددەی :102
پەیڕەوە نوێ كە پەسەندكرنی پڕۆژە یاسا لە دانیشتنەكانی پەرلەماندا دەكاتە (3) دانیشتن كە ئەمانەن:
1-  خوێندنەوەی یەكەم.
2- دوو خوێندنەوەی دووەم .
3- دانیشتنی دەنگدان .

دانیشتنی دەنگدان لە عێراق و ژمارەیەك وڵاتانی دیكە پەیڕەو دەكرێت، وە كارێكی باشە .
ماددە : 105
لە برگە دووەم ڕای یەكەم بە گونجاوتر دەزانم.

ماددەی :107
برگەی یەك زۆرینەی دەنگی ژمارەی ئامادەبوان واتە 50+1 ئەمەش گونجاوە بۆ ئامادەبوان نەك كۆی ئەندامانی پەڕلەمان .
ماددەی :110
پێشنیار دەكەم دەنگدانی ئەلكترۆنی لە نێو هۆڵدا پەیڕەو بكرێت، ئەمەش ئەگەری هەڵەو دووبارە دەنگدان ناهێڵێت .
ئەگەر ئەم شێوەیە پەیڕەو نەكرا ئەوا بۆ پرسە هەستیارەكان بە هەستان و دانیشتن پرسەكە یەكلابكرێتەوە نەك بە بانگكردنی ناوەكان .
ماددە : 112
پێشنیاردەكەم بنوسرێت ناردنی ژمێرەی كۆتایی ( حسابات الختامیە) لەگەڵا خولەكانی گرێداندا یەكبخرێت وە ئەگەر ئەمەش نەگونجا بخرێتە سەرەتایی هەموو ساڵێكی داراییەوە .
ماددە :117
برگەی یەكەم دەستەواژەیەكی سەیرە ئەی پەرلەمان پڕژەكە ناكاتە یاسا وە ئایە پەرلەمان زیادكردن یا كەمكردن لە دەقی پڕۆژە بوجەكە ناكات ؟
ماددە :124
- بڕگەی یەك لە پێناسی فراكسیۆن دا بنوسرێت ( ..... وە سەرۆكێكی دەبێت .... ) .
- بڕگەی دووەم لەسەر ژمارەی ئەندامانی فراكسیۆن پێشنیار دەكەم كە لە سێ‌ ئەندام پێك بێت وە ئەگەر نەگونجا ئەوا لایەنی كەم لە پێنج ئەندام پێك بێت، چونكە ڕای ئەوەی كە فراكسیۆن لە یەك نەفەر پێك بێت ئەوە ڕای پارتی بوو.
- برگەی سێ‌، بنوسرێت كە فراكسیۆن سكرتێر و پەیكەری ئیداری خۆی دەبێت .
- بوونی بوچە بۆ فراكسیۆن پرسێكی گرنگە پێویستە جەتی لێبكرێتەوە .
- پێشنیارێك لە كاتی ئامادەكردنی پەیڕەوی ناوەخۆ لەلایەن چەند فراكسیۆنێكەوە خرایە ڕوو ئەویش بریتی بوو لەوەی كە فراكسیۆن دەستەڵاتی گۆڕینی ئەندامی خۆی هەبێت، بەڵام ئەم پێشنیارە لە دەنگدانی ئەندامانی لیژنەكە سەری نەگرد.
بۆیە من پێشنیاردەكەم كە ئەم دەقە لە دەستەڵاتی فراكسیۆن لە پەیڕەودا جێگیر بكرێت .
ماددە : 125
دەستەی گشتی یاخود دەستەی هەماهەنگی داهێنانێكی ئەم پەیڕەوەیە وە كارێكی باشە .
ماددە :128
پێناسەی ئۆپۆزسیۆن تەواو نیە لە دەقی پەیڕەوەكەدا بەڵكو گونجاوە بنوسرێت : ( ئەو فراكسیۆن و پەرلەمانتارانە دەگرێتەوە كە بەژداری پێكهاتەی كابینەی حكومیان نەكردوەوە ئۆپۆزسیۆن بونی خۆیان راگەیاندوە ) .
ماددە :130
مافەكانی ئۆپۆزسیۆن گونجاوە .
- بەڵام لە هەندێ‌ وڵاتدا ( سەرۆكی لیژنەی یاسایی ) دەدرێتە ئۆپۆزسیۆن، بۆیە پێشنیاردەكەم ئەم دەقە لەناو هۆڵدا باس بكرێت .
- خاڵی دوو گونجاوە .
- خاڵی شەش، رای دووەم پێ باشە .
ماددەی : 131
سەرۆكی دیوان لە ئەنجومەنی نوێنەرانی عێراق پلەی وەزیری هەیە، بەڵام لە هەرێمی كوردستان ئەم پلەیە بە پلە تایبەت بمێنێتەوە .
ماددە : 136
ڕام وایە سەنتەری راویژكاری یاسایی هەبوونی باشترە .
ماددە :137
رای یەكەم پەسەندە، بەڵام ئەگەر فراكسیۆن نوسینگەی لەشارەكان هەبێت ئەوا پەرلەمان نوسینگەی پێویست نیە .
ماددە : 142
رای یەكەمم بەلاوە پەسەندە .
ماددە :146
باسكردنی ڕاوێژكارانی پەرلەمان گرنگە لە گەڵا ئەوەی دەبێت بنوسرێت كە ببەسترێنەوە بە سەرۆكایەتی پەرلەمانەوە، وە كارەكانیان بە كارنامەیەك رێك بخرێت .
ماددە :147
 رای یەكمم پێ‌ باشە .

نوێترین نوسینەکانی دانا دارا