توندوتیژیی به‌رانبه‌ر مافخوراوانی ووڵات چ ئه‌دایه‌كی ده‌سه‌ڵاتدارێتیمان پیشان ده‌ده‌ن ...!!
وتار/
28/03/2018
523 جار بینراوە
یاسین نادر ڕه‌حمان
توندوتیژیی به‌رانبه‌ر مافخوراوانی ووڵات چ ئه‌دایه‌كی ده‌سه‌ڵاتدارێتیمان پیشان ده‌ده‌ن ...!!
یاسین نادر
شروَڤه‌ی ئه‌م بابه‌ته‌و شه‌ن و كه‌وی ئه‌م بابه‌ته كه ئایا له كوردستاندا بوَ خوَپیشاندان ده‌كرێت، هه‌میشه پرسیارێكه ده‌سه‌ڵاتداری هه‌رێم ئیهمالی كردوووه‌و به قسه‌و به‌ڵێنی بریق و واق و پلانی جوَراوجوَری ئه‌منی به‌تایبه‌تی كوَتایی پێهێناوه، له كام وڵاتی دونیا ئه‌وه ڕوویداوه له ماوه‌ی ساڵانێكی كه‌می ده‌سه‌ڵاتدارێتی و كوێخایه‌تی كوَمه‌ڵێك كه‌س ببنه سه‌رمایه‌داری عه‌یاره بیست و یه‌ك، تا چین وتوێژه‌كانیتری هه‌ر له ماموَستاو ته‌ندروستكار و گه‌نجانی ئه‌و وڵات و هه‌رێمه‌یه ناڕه‌زایی ده‌رنه‌بڕن.
له‌كام وڵاتی دونیا بینراوه خه‌ڵك له به‌دبه‌ختێتی و مه‌ینه‌تیدا بژیت و خاك و ئاو و نیشتیمانی به‌هوَی نه‌زانم كاریی سیاسیی و ئیقلیمییه‌وه به‌ره‌وه له نێو چوون برا بێت و بێگانه فروَش كرابێت، به‌ڵام هه‌ر بێده‌نگ له‌م هه‌ڵوێست و ده‌سه‌ڵاتدارێتییه‌دا خه‌ڵك و چین و توێژه‌كانی مابێتنه‌وه.
ئه‌مڕوَكه كه ماموَستا و فه‌رمانبه‌ران و خه‌ڵك و چین و توێژه جوَراوجوَره‌كان له شه‌قام وكوچه‌و كوَڵانه‌كاندا له ئه‌دای ناڕه‌زایه‌تیاندا ده‌بینین ئه‌مانه په‌یامی یه‌كهه‌ڵوێستی گه‌ر خه‌ڵك و توێژێكی ساڵانی 1950 نه‌بێت، په‌یامی كه‌سانێكه كه گه‌ر دانه‌مه‌زرابن به ته‌مای دامه‌زراندنیانن، گه‌ر هه‌لی كاریان بوَ نه‌ڕه‌خساوه داوای ڕه‌خساندنی ده‌كه‌ن، گه‌ر فه‌رمانبه‌ری حكومه‌ت بن داوای مافی موچه‌و قوت و ڕسقی خوَیان ده‌كه‌ن. نایانه‌وێت و ته‌حه‌مولی ئه‌وه‌یان پێ ناكرێت كه هه‌رێم و ناوچه‌ی خوَیان هاوشێوه‌ی وڵاتانی زلهێزی دونیا خاوه‌ن سه‌ره‌وه‌ت و سامان بێت كه‌چی ژیانێكی وڵاتانیی دواكه‌وتوو و هه‌ژاریی ئه‌فریقاییان هه‌بێت و سبه‌ینێ بوَ نه‌وه‌و داهاتوان و ڕوڵه‌كانیان په‌لكێش بێت.
چیتر په‌یامی خزمه‌تكردن بوَ ئه‌وان سه‌رده‌می چه‌ك و تفه‌نگ به‌ده‌سته‌وه گرتنیان نییه‌و ژیانی موَدێرنه‌و هاوتای خزمه‌تی بیشووماریان ده‌وێت.
زوَر ده‌وترێت كه ئه‌وانه‌ی دێنه سه‌ر شه‌قام خه‌ڵكیی مووچه‌خوَر نین و بگره به‌ناوی موچه‌خوَرانه‌وه كوَمه‌ڵێك لاوی پێ نه‌گه‌یشتوو و كاڵفامن و به ئیعازی حیزبیی و په‌یامی سیاسیی جوَراوجوَر ده‌یانه‌وێت ده‌سه‌ڵاتدارێتی وڵات له به‌رژه‌وه‌ندی هه‌ندێك حیزبی تر بقوَزنه‌وه.
به‌ڵام ئه‌ی نابێت ئه‌وانیش دوَخی مه‌ترسیداری چه‌ند ساڵه‌ی تری ژیانیان ته‌قیم و هه‌ڵسه‌نگاندن بكه‌ن كه ئاوا له جێی به ئاقاری خزمه‌تكردنیان وه‌خته به‌م پلانه نه‌زانانه له ئیداره‌دان و ده‌سه‌ڵاتدارێتی ئه‌مڕوَی كوردستاندا ژیانی ئه‌وانیش له مه‌ترسیداربوونی دوَخی ژیانیان بوَ داهاتووه‌وه وه‌خته هه‌نگاو ده‌نێت و بێ ئه‌مه‌لی به‌ته‌واوی وه‌خته ته‌نگیان پێ هه‌ڵده‌چنێت.
له‌گه‌ڵ ئه‌مانه‌شدا ڕوَژگارێك بوَ ئه‌وان ڕه‌نگه بخوڵقێنرێت كه جگه له جێهێشتنی وڵاتی پڕ سامانیان هیچیتر له ڕێگاو ئه‌جیندایاندا نه‌مێنێتـ، ناكرێت خوَپیشاندان له هه‌رێم و ناوچه‌یه‌ك زوَر به تووندی له دژی ده‌سه‌ڵاتداران بكرێت كه‌چی هیچ كه‌س و به‌رپرسێكی حكومی ئه‌و وڵاته ئاماده نه‌بێت ده‌ست له‌كار له بێ خزمه‌تی وحه‌قنه‌دانی به‌رهه‌ڵستكارانی نه‌كیشێته‌وه، با بوَ چه‌ند ماوه‌یه‌ك بتوانرێت په‌یامیی خوَپیشانده‌ر سه‌ركووت و سه‌ركوَنه بكرێت، ئه‌ی دڵه ناڕازییه‌كان كه په‌نگیی خوارده‌وه‌و وه‌ك ئه‌م چه‌ند ڕوَژه‌ی داهاتوو له خوَپیشانده‌رانی چین و توێژو ماموَستاو فه‌رمانبه‌رانی هه‌ولێر و دهوَك و ناوچه‌كانیتردا ده‌ركه‌وت، كێ ئاشت ده‌كاته‌وه.
ده‌بێت هه‌میشه زاڵمانی قوت و ڕسقی وڵات چاوه‌ڕوانی تلێسم شكێنی خه‌ڵكی برسیی و هه‌ژاری نیشتیمانه‌كه‌یاندا وه‌ك ئه‌م چه‌ند ڕوَژه‌ی كوَتایی خوَپیشانده‌ران بن كه بوَنی شكستێ ده‌سه‌ڵاتداری و سه‌ركه‌وتنی هه‌ژاران و برسییانی به سه‌ر تاڵانكه‌رانیدا وا لێ دێت.
دروسته شوَڕش به‌مشێوه‌یه ناكرێت: برسیی برسی بكوژێت، برا برا بكوژێت و هاوڵاتی سه‌نگه‌ر له هاوڵاتی بگرێت و لوشده‌رانی سامانی وڵاتیش ته‌ماشاكه‌ر بن و بڕیار بده‌ن و به شه‌ڕمان بده‌ن و له‌و لاشه‌وه ده‌سه‌ڵاتدارێتییان له‌و په‌ڕی لاوازی ئیداری و سیسته‌ماتیكیدا بێت و شتێك جگه له كات به‌ڕێكردن بوَ خه‌ڵك نه‌هێڵنه‌وه.
دوَخه‌كان له خه‌ڵك قورسكردن چ ئاقارێكی ده‌بێت له چاوه‌ڕوانیدا بێت، كه به‌شێكی له‌وان خوَمان دروستكه‌ریانین و لێی ڕازین كه‌چی هه‌ندێكی كه‌ممان وه‌ك سووته‌مه‌نی ده‌بێت به‌رهه‌ڵستكاری بین.
كێ هه‌یه ترسی له ئه‌جیندای ده‌ره‌كی و ته‌داخولی بێگانه بوَ وڵاتی نه‌بێت كه غه‌یری كه‌لتووری خوَی و زمانی خوَی بێت و به‌ڵام له ناچاریدا هاناو ده‌ره‌تانی بوَ ببات، ئیتر چ بوَ موچه‌ی بێت و هه‌ر هه‌نگاوێكی تری خزمه‌تكردنی بێت، چوونكه مه‌ترسیدارترین زوڵم ئه‌وه‌یه كه دوَست و هاوكه‌لتوور و زمانت له توَی بكات.
هه‌موان شه‌ره‌فمه‌ند به ئاڵاو نیشتیمانیان وه‌ك هه‌موو وڵاتانیی دونیان، هیچ كه‌سێكیش بوَی نییه به‌ناوی ئه‌وانه‌وه ئه‌م لاف و گه‌زافه‌یه لێبدات و له په‌سای ئه‌مانه‌شدا كه‌سانێك مافخوَر و داپڵوسێنه‌ری داماوان و خه‌ڵكی وڵاتیان بن.
نوێترین نوسینەکانی یاسین نادر ڕه‌حمان
-
یاسین نادر ڕه‌حمان
19/10/2018
-
یاسین نادر ڕه‌حمان
10/10/2018
-
یاسین نادر ڕه‌حمان
25/09/2018
-
یاسین نادر ڕه‌حمان
05/08/2018
-
یاسین نادر ڕه‌حمان
20/07/2018
-
یاسین نادر ڕه‌حمان
08/07/2018