له پێناوى سروودێكى نيشتيمانى بۆ هه‌مووان
وتار/
27/01/2018
1013 جار بینراوە
دانا دارا
له
پێناوى سروودێكى نيشتيمانى بۆ هه‌مووان
دانا
دارا حسين
ڕاوێژكارى
په‌رله‌مانی كوردستان
وه‌ك له ده‌ستور و ياساى بنه‌ڕه‌تى ژماره‌يه‌ك
له ووڵاتان دا هاتووه كه سروودى نيشتيمانى وه‌ك يه‌كێك له ئه‌ته‌كێتى بڕۆتۆكۆڵى
سياسى په‌يڕه‌و ده‌كرێت، وه له بۆنه سياسى ونه‌ته‌وه‌يى و پێشوازيه پڕۆتۆكۆليه‌كاندا
پێشكه‌ش ده‌كرێت .
له‌م پێناوه‌دا هه‌رێمى كوردستانى عێراق وه‌ك
هه‌ريميكى فيدراڵى له سه‌ر رێى سه‌ربه‌خۆبوونه، هه‌ر بۆيه سروودێكى نيشتيمانى
كه له بۆنه سياسى و كۆمه‌ڵايه‌تى وبۆنه‌و ياده‌وه‌رييه‌كاندا بوترێته‌وه پێويسته،
له ئه‌نجامى به‌دواداچوونم بۆ ئه‌م پرسه گه‌يشتمه ئه‌م ئه‌نجامانه‌ى خواره‌وه
كه بۆ به‌ڕێزتان پێشنيار ده‌كه‌م :
1- له زۆرێك له ووڵاتان ماوه‌ى پێشكه‌ش كردنى
سروودى نيشتيمانى نا بێت له ( 3 ) خوڵه‌ك زياتر بێـت .
2- له شه‌سته‌كانى
سه‌ده‌ى ڕابردوودا شاعيرى ناودارى كورد مامۆستا هه‌ژارموكريانى شيعرێكى به‌و بۆنه‌يه‌وه
هۆنيه‌وه‌ته‌وه، كه گونجاوه سوودى لێ ببيندرێت .
3- شاعيرى
ناودارى كورد فايه‌ق بێكه‌س هۆنراوه‌يه‌كى به‌ناونيشانى ( خوايه وه‌ته‌ن ئاواكه‌ى
) هۆنيه‌وه‌ته‌وه كه له كاتى ئێستا دا له رووى ناوه‌رۆكه‌وه گونجاوه كه وه‌ك
سروودێكى نيشتيمانى په‌يڕه‌و بكرێت .
4- شاعيرى
كورد شێركۆ بێكه‌س له دواى ڕاپه‌ڕينى به‌هارى 1991 شيعرێكى به‌و بۆنه‌يه‌وه
ئاماده‌كرد بوو، كه ئه‌ويش گونجاوه سوودى لێ ببيندرێت .
5 - له ئه‌نجامى
به‌دوداچوون بۆ ژماره‌يه‌ك له ووڵاتان سرووده نيشتيمانيه‌كه‌يان له لايه‌ن يه‌ك
هۆنه‌ره‌وه ئاماده‌نه‌كراوه به‌ڵكو له‌لايه‌ن ژماره‌يه‌ك ياخود لێژنه‌يه‌ك
ئاماده‌كراوه .
6- سرودى پێشنياكراو
له هه‌ردوو پڕۆژه ياسا كه خوێندنه‌وه‌ه‌ى يه‌كه‌مى بۆ كراوه به‌ناوى سروودى ئه‌ى
ڕه‌قيب چه‌ندين ئيشكال له خۆى ده‌گرێت :
- له رووى
ئاينيه‌وه هه‌ردوو ده‌سته‌واژوه‌ى ( دينمان، ئاينمانه، نيشتيمان ) نه‌گونجاوه چونكه ئه‌م ده‌سته‌واژانه تێك ده‌گيرێن له‌گه‌ڵ نه‌گۆڕه‌كانى
ئاينى ئيسلام ( بيروباوه‌ڕى ئيسلامى ) كه ئه‌مه‌ش ناكرێت هيچ موسلمانێك سنوره‌كه‌ى
پشكێنێ .
- له رووى مێژوويه‌وه
ئه‌م شيعره هه‌ندێك هه‌ڵه‌ى مێژووى تيدايه كه شاره‌زايانى مێژوو به‌نا درووستى
ده‌زانن كه له سروودى نيشتيمانى هه‌ريمێكدا كه ئامانجى سه‌ربه‌خۆ بوونه ئه‌م
هه‌ڵه‌يه‌ى تێدا بێت، وه‌ك ( نه‌وه‌ى كه‌ى خسره‌و... )
- پێكهاته
نه‌ته‌وه‌ى و ئاينه‌كانى ناو هه‌رێمى كوردستان ئاسۆي ئاواته‌كانينان له‌م سرووده
دا نابينه‌وه، بۆيه زۆر گونجاوه ماف و داواكاريه‌كانى ئه‌م پێكهتانه‌ش له به‌ر
چاو بگيرێت .
- بۆيه له
كۆتايدا پێِشنيارده‌كه‌م :
1- سروودى ئه‌ى
ره‌قيب وه‌ك سروودى نيشتيمانى بگۆردرێت بۆ سروودێكى ترى گونجاو، كه له رووى
ئاينى ومێژووى و مافى پێكهاته‌كانه‌وه گونجاو ته‌با بێت، وه‌سرووده‌كه ببێته
مايه‌ى كۆكردنه‌وه‌ى هه‌موومان نه‌ك دابه‌ش بوون و ناڕه‌زايى ئاينى ونه‌ته‌وه‌يى
وسياسى .
2- ئه‌گه‌ر
سرووده‌كه په‌سه‌ند كرا و به‌ياسا ده‌رچووێندرا : ده‌كرێت ته‌نها مۆسيقاى سرووده‌كه
له بۆنه سياسى ونه‌ته‌وه‌يه‌كاندا لێ بدرێت .
3- ياخود لێژنه‌يه‌كى
شاره‌زا ده‌ستكارى ده‌سته‌واژه‌كانى شيعره‌كه بكات كه هه‌موو لايه‌ك وه‌ك سازانێكى نيشتيمانى له‌سه‌رى پێك بێن .
4- دانانى
سزا بۆ نه‌وتنه‌وه‌ى ياخود هه‌ڵنه‌ستان بۆ
سرووده‌كه، له رووى ياساييه‌وه نه‌گونجاوه، له‌لايه‌ك وه‌ك زاندراوه فه‌لسه‌فه‌ى
سزادان بۆ ( إصلاح و ردع ) ه ، وه له‌لايه‌ك ژماره‌يه‌كى زۆرى هاوڵاتيانى
كوردستان له چينى كه‌م ئه‌ندام و پيرو نه‌خۆشن كه ناكرێت به پاساوى هه‌ڵنه‌ستانه‌وه
سزاى داراييان بده‌ين، بۆيه پێشنيار ده‌كه‌م سزادان لابدرێت .
نوێترین نوسینەکانی دانا دارا
-
دانا دارا
12/01/2021
-
دانا دارا
05/01/2021
-
دانا دارا
01/08/2018
-
دانا دارا
16/07/2018
-
دانا دارا
12/07/2018
-
دانا دارا
11/06/2018