میرایه‌تی له‌سه‌رده‌می نوێدا
وتار/
19/09/2016
685 جار بینراوە
په‌یوه‌ند عومه‌ر
میرایه‌تی له‌سه‌رده‌می نوێدا
په‌یوه‌ند عومه‌ر
قه‌ده‌ری ئێمه وه‌ها كه‌وته‌وه كه‌هه‌رگیز بێ (میر) نه‌بین,میربه‌مانای
ئه‌وه‌ی كه ده‌سه‌ڵاتێكی خۆسه‌پێن له‌سه‌ر عه‌رشی ده‌سه‌ڵات دابنیشێ و كاری ئه‌وه‌ڵا
تاكۆتایی له‌جێی خزمه‌تكردن بێئیراده‌كردنی خه‌ڵكه‌كه‌ی بێت,میرێك له‌ناوسه‌ڵته‌نه‌تی
ده‌سه‌ڵاتیدا قاقاپێبكه‌نێ بێمنه‌ت بێت له‌ڕه‌عیه‌ته‌كه‌ی,میرێك كه‌له‌سه‌ره‌وه
بۆخواره‌وه سه‌یری خه‌ڵكی ده‌كات وه‌كومێروله‌و قالۆنچه‌بیانبینێ,میرێك له‌برسی
كردنی خه‌ڵكیدا چێژبكات و قرقێنه‌ی تێری لێبدات.
هه‌نوكه مرنشینه
سیاسیه‌كانی ئێمه هه‌ریه‌كه‌یان له‌ودیو قه‌ڵایه‌كی سیاسیه‌وه خۆیان قایم كردوه‌و
بێباك سه‌یری ئه‌م مه‌مله‌كه‌ته وێرانه‌یه‌ده‌كه‌ن,هه‌ریه‌كه‌یان قه‌ڵاكانیان پڕكردوه
له‌سه‌روه‌ت و سامانی ئه‌م میلله‌ته قوڕبه‌سه‌ره‌و بۆخۆیان دورله‌خه‌م ئه‌ژین.
بێباكی ئه‌م میره سیاسیانه گه‌یشتۆته ئاستێك خه‌ڵكی
هه‌مووی كه‌وتۆته دادو فیغان و ڕۆڕۆ كه‌چی ئه‌وان وه‌ك ئه‌وه‌ی نه‌بای بێت و نه‌باران
له‌به‌زم و ڕه‌زمی خۆیان ناكه‌ون, ناشیرینترین ئه‌خلاقی ئه‌م میره سیاسیانه نه‌بینینی
ئه‌و حه‌شری نادادیه‌یه كه‌دروستیان كردوه,نائه‌خلاقترین شتێك كه‌ده‌یكه‌ن ئه‌و
هه‌موو لێدوان و قسه‌و بڕیارو ڕاسپارده‌و بڵاوكراوانه‌یه كه ده‌یانه‌وێت له‌گوێ
خه‌ڵكی بئاخنن كه‌ئه‌وان له‌وپه‌ڕی خه‌مخۆریدان,ئه‌مه پێمان ده‌ڵێ ئه‌وان له‌و
سه‌ره‌وه خۆیان به‌عه‌لامه‌ی سیاسی و فه‌یله‌سوفی ئه‌خلاق ده‌زانن و خه‌ڵكیش به‌بێعه‌قڵا
و كۆیله.
به‌ڵام یه‌كشت
گرنگه ئه‌ویش ئه‌وه‌یه كه ته‌مه‌نی ئه‌م ئیماره‌ته سیاسیانه گه‌یشتۆته كۆتایی
و پێده‌چێ له‌سه‌رده‌ستی ئه‌وان كورد ئه‌وه‌ی به‌درێژایی زیاتر له‌نیوسه‌ده كۆیكردۆته‌وه
ببێت به‌ئاردی ناو دڕك و ئیتر به‌قوڵینگه سیاسیه‌كانیان بكه‌ونه كونكردنی بنی ئه‌و
كه‌شتیه‌ی كه‌هه‌موومان له‌سه‌ری وه‌ستاوین,ئه‌وكات ئێمه ده‌بین به‌حیكایه‌تێكی
تراژیدی ناومێژوو.
نوێترین نوسینەکانی په‌یوه‌ند عومه‌ر
-
په‌یوه‌ند عومه‌ر
05/10/2016
-
په‌یوه‌ند عومه‌ر
02/10/2016
-
په‌یوه‌ند عومه‌ر
19/09/2016
-
په‌یوه‌ند عومه‌ر
15/09/2016