ماڵ ئاوایی و پێشوازی لەچی ؟

وتار/ 31/12/2017 631 جار بینراوە

کەمال ئەسکەندەر

ماڵ ئاوایی و پێشوازی لەچی ؟
كه‌مال ئه‌سكه‌نده‌ر
کاتێ لەو ساڵەدا کەشتی قەیران وخەمەکان لە کەناری دەریای زێڕی ڕەش لەنگەری گرتبێ و لەجولە  کەوتبێ .

کاتێ دەسەڵاتی یاسادانان ماوەبەسەرچوو و  دەسەڵاتی جێ بەجێ کردنیش کاربەڕێکەربێ ، دەسەڵاتی دادوەریش لەهەمبەر پێشێلکاریەکان لەکچی عازەب شەرمن تر بێ .

کاتێ دەنگی ناڕەزایی و خۆپیشاندان لەهەزارەی سێیەم لەمەملەکەتی دیموکراسی خوازەکان یاساغ بێ و لە نیشتمانی دروشمەگەورەکانیش ئەنجامەکەی خوێن رشتن بێ .

کاتێ شکستی سیاسی دەسەڵاتداران لەدەستدانی نیوەی خاکی کوردستان بێ  ، مافەکانی مرۆڤ چاو بەرەو ژێری لاشەی ساردی بێ گیانی  منداڵ وپەککەوتە بێ گۆڕەکانی کوردستانی باشور و ڕۆژهەڵات بێ لە ژێر بینا ڕوخاوەکانی دوای بومەلەرزە.

ئیتر چیت لەبارەوە بنوسم بە کوێت دا هەڵبدەم ئاخۆ ئێستا بەرپرسانی نیشتمانم لە کام ووڵات ئاهەنگی سەری ساڵ پیرۆز دەکەن و پێشمەرگەش چاوەڕێی جێ بەجێ کردنی بڕیاری کشانەوەی کام سەنگەری ناوچەکوردستایەکان دایە ، ئاخۆ  لە کام سەنگەر کەشە ساردەکانی ساڵ تێپەڕدەکەن ، بەڵکو بەکام جۆری زەردەخەنەی دوور لە خانەوادە  بەگیرفانی بەتاڵەوە چاوەڕێی (۱۲) ی شەو دەکەن بۆ ئەوەی (٧ ) ەکە بکەن بە (٨) .

ئیتر بەم هەموو عەجایباتە ماڵ ئاوایی لەچی بکەین و پێشوازی لە چی بکەین ؟

نوێترین نوسینەکانی کەمال ئەسکەندەر