مۆر و موشەماکەتان کۆبکەنەوە

وتار/ 01/05/2017 927 جار بینراوە

بەرهەم مستەفا

مۆر و موشەماکەتان کۆبکەنەوە
بەرهەم مستەفا
نامەیەکی کراوە بۆ حکومەتی هەرێم
(مۆر  و موشەماکەتان کۆبۆەنەوە)...
ئەمەوێت پێتان ڕابگەیەنم کە ئێوە ڕاستە قومارچین، بە ژیان و بژێوی هاوڵاتیانەوە  ، بەڵام ڕەنگە قومارچی، هێندێک جار براوە بێت!! بەڵام ئێوە هەمیشە دۆڕاون ، هەربۆیە کاتێک قومارچی ئەدۆڕێت ،، ناچار پێ ی  دەڵێن مۆر و موشەماکەت کۆبکەرەوە، بۆئەوەی زیاتر خۆت دانەچێنیت..!! من تێناگەم.. ئێوە دەوڵەتداریتان لەکوێدایە؟؟ ئەزانم ئێوە دەسەڵاتدارێکی تەزویرچی و خۆسەپێنن .. بەڵام هەرگیز  ئێوە سیفاتی حکومەتدار ناتانگرێتەوە.
ئەکرێ ئێوە پێمان بڵێن لە چ بوارێکدا سەرکەوتوبون؟ ..لە بواری پەروەردەدا کارێکتان کردوە .کە با بەدەواری شڕی نەکردوە ، ئێوە کەچاکسازیتان لە ژیان و موچەی فەرمانبەران پێناکرێت ،.بۆچی؟ کۆڵنادەن و ئیعلانی شکستی سیاسی  و ئیداری خۆتان ڕابگەیەنن ؟ ..مامۆستایان هەست بەجۆرێک لە بەرپرسیارێتی ئەکەن ، دەنا  ئەتوانین لە قۆناغی کۆتایی تاقیکردەوەکانی ساڵدا ،.. پەکی پرۆسەکە بخەین و پێتان بڵێین ؛ با مافیاکانی نەوت بێن پرسیاری تاقیکردنەوەی کۆتایی ساڵ دابنێن و ئەوانەی لە گەشتی پڕزەوقی خۆیاندان بێن چاودێری هۆڵەکان بن ..،، ئەگە ئەمەش نەکەین؛ باشترە لەئێستاوە فاتیحە لێدەن بۆ ساڵی داهاتوی خۆێندن ، چونکە  ئەمجارە  برینمان گەیشتە سەرئێسقان و ئامادەنین بەگفتە درۆینەکانتان هەڵخەڵەتێن ،، پێمان ناڵێن پێداچونەوەی موچەتان کوا ؟ ئێوە کەپێتان وابوو بەغداد موفلیسە !  ئەوا ؛ئەوان موچەی 18 مانگ ئەدەن و تائیفین و مەزهەبین ،،بەڵام ئێمە ۳ مانگ چارەکە موچە بە فەرمانبەر ئەدەین و دیموکراسی و کراوەین!!
ئێوە فەرموتان ئەوان موفلیسن  و بێ پارەن و ئێمە سەربەخۆیی ئابوری ڕادەگەیەنین!! ئەرێ سەربەخۆیی ئابوریتان بەکوێ گەیشت ؟؟!
خەڵک هەقی خۆیەتی بپرسێ،.. بەغداد  شەڕی داعش ئەکەن و جەبهەیان لە ئێمە فراوانترە ، بەڵام ئێمە مەسرەفمان زیاترە!!  ئەرێ بۆچی ؟؟؟
دەکرێ بزانین بایۆمەتریتان لەچی ؟؟ یان باشترە بڵێین ؛ بایۆمەتریتان باش هەی ئەو کەسانەی خۆتان لە بایۆمەتری دەرناچن!.. بڕوابکەن ،   ڕومان نایە بڵێین هاو زەمانی ئێوە ژیاوین ،شەرم ئەکەین ، بودەڵەیی و دڕندەیی و گەندەڵیتان ئاسمانی بۆ ژۆ کردووە ، دڵنیابن هاوشێوەتان لە مێژوودا کەمە ،..   با شتێکتان بیر بخەمەوە، گەر مردیشن دەبێت پاسەوان بۆ گۆڕەکانتان دانێن چونکە خەڵک دەرتان ئەهێنێت و توڕتان ئەدات.. وەک پەروەردەکارێک دڵنیام لەوەی  مێژوو ڕەحمی بەکەس نەکردووە ،، دڵنیام ڕۆژێک دێت وەک  خائین و نیشتیمان فرۆش لە پڕۆگرامی خوێندنا ئاماژەتان پێدەدرێت،،  ئێستاش لەڕێگەی ئەم نامەوە ئاگادارتان ئەکەم ، ئەگەر  برسیمان کەن ،، تینو مان کەن ،،وەک سەگ!! سەیری میلەت بکەن! ، بەڵام دەبێ  ئەوەش بزانن ئەو سەگە ڕۆژێک کەلاکی پێستان لەگۆڕ دەرئەهێنێت،، دواجار  تەختی پاشایەتی و حوکمڕانێتیتان ئەبێت بەبەڵای سەرتان وەک قەزافی و سەدام..،ئێوە ئاگادارن کە  دەربارو ئەڵقە لە گوێکانیشتان  کەوتونەتە سوکایەتی کردن پێتان؟؟.. بۆیە یان مۆر و موشەماکەتان کۆبکەنەوە ،، یان بگەڕێن بۆ شفاعەتێک تا میلەت لێتان خۆشبێ..
بەرهەم مستەفا
ئەندامی مەکتەبی سکرتاریەتی یەکێتی مامۆستایانی کوردستان 
30_4_2017

نوێترین نوسینەکانی بەرهەم مستەفا