"مێش میوانیان نییە"

وتار/ 27/06/2020 608 جار بینراوە

هێمن غازی

"مێش میوانیان نییە"

هێمن غازی
هەندێک کەس تا بە پلەو پایە نەگەیشتبون بەردەوام وەک سورەی بەرلەشکر ڕەخنەیان ئەگرت و باسی نیشتمان پەروەریان بەکادرو لایەنگرانی حزبەکەیان و خەڵکی کوردستان دەفرۆشتەوەو بۆ هەر بابەتێک ئەمان نوسینێکی تەنز ئامێزیان ئاڕاستەی فیسبوک دەکرد، ئەوان بەردەوام لەگەڵ خەڵک و لەناو خۆپیشاندانی خەڵکدا بون، کۆبونەوەیان ڕێک ئەخست و خۆیان بەقوتابی قوتابخانەکەی مام جەلال دەزانی و کەسیان لەخۆیان بەیەکێتی تر نەدەزانی، هەمیشە دروشمی سەرەکیان بەستنی کۆنگرەبووەو ڕەخنەیان لە مەکتەب سیاسی و سەرکردایەتییەکانیان دەگرت، بەڵام  وەختێ کۆنگرە بەستراو چونە سەرکردایەتی و  گەیشتن بەخەونەکەیان، ئیتر وەک کەڕەی شەربەتی شارە حەیاتەکەیان لێ هات و سەدو هەشتا پلە بۆچۆن و هەڵوێستەکانیان پێچەوانە بویەوەو تەنانەت سادەییەکانی جاری جارانیان گوزەشت !
 لەسەر ئاستی پرسە نەتەوەییەکان هەڕەشەی جۆراو جۆریان لەتاران و ئەنکەرە دەکرد، بزنس چاویان کوێرکردن و تەنانەت ئێستا ناشوێرن پرسە نامەیەک ئاڕاستەی کەسوکاری شەهیدان بکەن، کەبەهۆی بۆردومانەکانەوە شەهید دەکرێن ،ئەمە نیشتمان پەروەرییەکەتانە ؟
ئەمە پارێزەرییە لەڕێبازەکەی مام جەلال؟ کوا ئەوان بەدەرەجەی ئەم سەرکردایەتییەی ئێستا بێ هەڵوێست و بێ دەنگ بون!
 وەک مەڕی کزیان لێ هاتووە، ئەگەر تورکیا و هەر وڵاتێکی تریش بۆردومان بکەن و خەڵک شەهید بکەن، ئەوانە مێش میوانیان نییە، چونکە دەرکەوت شینەکەیان بۆ هەریسەکە بوو.
فەرمون ئەوەتا سەرۆک کازمی هەڕەشەی هێز دەکات بەرامبەر سنورەکان و قاچی مافیا و گروپەکان دەشکێنێت کە ناڕاستەوخۆ خەریکی پارەدزین و کاری خراپەن، ئەمە بوو نیشتمانپەروەری و دڵسۆزیتان بۆ حزب و گەلەکەتان؟
سەد خۆزگە بەکفن دز، بەس نەبوو هەر کفنەکەی ئەدزی!
 ئەوان خەباتێکی چەکداری و نهێنی ناوشاریان هەبوو لەڕابردوو !
خۆئێوە ئەوەشتان نەبووە. کارەساتەکە لەوەدایە کە خۆمان داوەتە دەست ئەم قەزاو قەدەرانە، ئەمانیش ئاگایان لەبرسییەکان نییەو وەک ماریۆ ئەنتیۆنیۆ و لیوسی شازدە بە برسییەکان ئەڵێن پسکیت و حەلاوەتەیب بخۆن!

نوێترین نوسینەکانی هێمن غازی