چۆن لە ٣١ ی ئاب بگەین؟

وتار/ 01/09/2019 1671 جار بینراوە

ئازاد مەحمود

چۆن لە ٣١ ی ئاب بگەین؟

ئازاد مەحمود
٣١ ئاب ئەو ڕۆژەیە کە دەشێ  لای گەلانی دی وەک هەموو ڕۆژ و مانگەکانی دی تەماشا بکرێت و وەکو ڕۆژانی تری ساڵ تێپەڕ ببێت و نەبێتە جیگای سەرنجی هاوڵاتیانیان ،  و وەلێ ڕەنگە لای هەندێک گەلانی دی ئەم سەر زەمینە وەک ڕۆژێکی پرشنگدار بێ و تێدا یادی جوانیەکانی ئەو ڕۆژە بکرێتەو تێی بپەڕێنن ، بەم مانایە ڕەنگە هەبن ئەو گەلانەی کە ساڵانە ڕۆژی سی و یەکی ئاب وەکو بۆنەیەک یان ڕوداوێکی پڕ شانازی و سەروەری بۆ گەلەکانیان یاد بکەنەوە کە توانیویانە لەو ڕۆژەی ساڵدا دەستکەوتێکی گرنگ بەدەست بهێنن ، بۆ نا !
بەڵام لای گەلی کورد کاتێک گوێبیستی ڕۆژ و مانگی ٣١ ئاب دەبێ لەگەڵیدا گویبیستی دەیان وتار و شیکاری و لێکدانەوەی جیا جیا دەبیت بۆ ئەو ڕۆژە ، کە بەشێوەیەکی گشتی دو بەرە دروست دەبێ هەندێک بۆنی خوێن دەکەن و بە خیانەتی دەبینن، بەرەی دوهەم ڕوو قایمانە وەک دەستکەوت و شانازی نیشانی دەدەن

بەڵام لە ڕاستیدا ڕووداوەکە ڕووداوی ناو سەدە کۆنەکانی مێژوو نیییە کە لە بیری نەوەی کورد چووبیتەوە یان هێندەی بەسەردا تێپەڕ نەبووە کە بەڵگەو دێکۆمینتەکانی فەوتابن ، بەم مانایە ٣١ ی ئاب رووداوێکی هەرە نزیکی ناو مێژووە کەمەکەی حوکمڕانی کوردییە کە نەک لە بیری ئەم نەوەیە هێشتا ماوەتەوە بەڵکو بەشێ ئەوەش بەڵگەنامەو دێکۆمێنت هەیە کە هەر کەسەو لە بەر مەیلی بۆ  دو کارەکتەری سەرکی ڕوداوەکە( پارتی دیموکراتی کوردستان و یەکێتی نیشتمانی کوردستان) شەن و کەوی بکا ، ئەو نوسین و توێژینەوانەی کە ڕووداوەکە لە بەر بەرژەوەندییەکانی ئەو دوو حیزبە لێک ئەدەنەوەو ئەو مێژوو نوس و وتار نوس و لێکۆڵەرانەی کە هێشتا نەیانتوانیوە سنوری بەرژەوەندییەکانی خۆیان و حزب تێبپەڕێنن بێ لایەنانە باسی ڕووداوەکە بکەن ئەوانە هی قەڵەمە فرۆشراوەکانن کە هەر یەکەو با باڵ و شانی ئەو دو حیزبەدا هەڵدەڵێن و ئەوان چێان بوێت ئەمان ئاوا ئەینوسن و ئاوا شیکاری بۆ دەکەن ،

ئەگینا بۆ ئەوەی بێین و ڕووداوەکانی ٣١ ی ئاب لێک بدەینەوە پێویستمان بەوە نییە خوێنەر یان توێژەرێکی باش بین ، بەڵکو هەر کەسێک دوو چاوی هەبێت و عەقڵێکی سەلیمی هەبێت لەو ڕاستییە تێدەگات کە ئەو بەروارە وەکو زۆری تر لە ڕۆژەکانی مێژووی گەلی ئیمە یەکێکە لە ڕۆژە هەرە ناشرینەەکان، ڕۆژیک کە نەک شایەنی ئەوە نییە یادی سەرکەوتنی بکرێتەوە بەڵکو ڕووداویکە کە دەبێت ئاراستەی سیاسی وڵاتی ئیمە ئەزموونی باشی لێوەربگرێت و تا ئەو شوینەی  بە ڕۆژی خیانەتی نێشتیمانی بناسرێت  ،چونکە ،ئەوەی کە هەیە خیانەتە لە خاک و نیشتمان لەپێناو خۆ سەپاندن و موڵکداری باشور، خوێن ڕشتن و بە کوشتدانی نزیک بە دوو هەزار گەنج و لاوی کورد.
ماڵ وێران کردن و هەتککردنی جوانیەکانی کوردی باشور،دەست درێژی کردنە سەر کەرامەت و ناموسی دوبەرەکە دژ بەیەکدی
هێنان و پێشڕەوی کردن بۆ هێزێکی بێگانەو ئەنفالچی وەک بەعس
سەپاندنی ناوچەگەرێتی و دو ئیدارەی لە باشوردا
زەق کردنەوەی یەکتر قەبوڵ نەکردن لە نیوان دو شار یا دو لادێ لە وەزیاتر برا و برا
ئەمانە لە پێشهاتە دیارەکانی ڕووداوەکانی ٣١ ی ئاب و ڕۆژە ڕەشەکانی تری میلەتی ئیمە بوون ، بەڵام خاڵی جێگەی سەرنج ئەوەی کە خیانەت لە وڵاتی ئیمەدا هێشتا نەبووە بە کلتوری بەرەنگاربوونەوەی ناشرێنییەکان ، خیانەت هێشتا ڕوویەکی نێشتیمانی وەرنەگرتووەو هێشتا پێناسەیەکی گشتگیری نییە ، وڵاتەکە تەنها چوار پارێزگایە بەڵام هێشتا دیار نییە چی خیانەتەو چی دەسکەوت ، ئەوەی لای بەشیکی میلەتەکە خیانەتە لای بەشێکی تری دەسکەوت ، ئەوەی لای بەشیکی میلەتەکە خیانەتکارە لای بەشێکی تری دەبێتە موقەدەس ، بە هۆی بەرژەوەندییە تایبەتەکانی یەکیتی و پارتی و مێژوو نوسە دەستەمۆکانی دەوروبەریان هێشتا خیانەت تێگەشتنیكێ گشتگیرانەی بۆ نییە ،

هەر لەبەر ئەوەیە کە ئێستا خاوەندارەکانی ٣١ ئاب حاکمی موتڵەقن و وڵاتەکە بەڕێوەدەبەن و یاساکانی وڵآت دادەڕێژن و هەر ئەوانن خزمەتگوزاری نادادیمان پێشکەش دەکەن،ئەوانن بە نەفەسی ئەوکات گەنجی بوێر و ئازادی خواز کپ و کڕ دەکەن ، پاڵەوانەکانی سی و یەکی ئاب و ڕۆژە ڕەشەکانی تر ئێستا لە سیاسیە هەرە باڵآکانی وڵآتن ، کامیان زیاتر خوینی کوردی ڕشتبێت لە هەموویان زیاتر دەستی ئەڕوات ، کامیان زیاتر خیانەتی کردبێت و هانی شەڕی کورد کوژی دابێت لە هەموان زیاتر سودمەندا لە حکومەتی کوردی . ئەمانە بەو ڕادەیە ڕووقایمن کە لە پێناو بەرژەوەندیەکانیاندا ئامادەگی چەندان ٣١ ئابی کەیان تێدایە
ڕوقایمی ئەوان لەوێدا زق دەبیتەوە ئێستاش وەک شانازی و دەستکەوت نیشانی نەوەکانمانی دەدەن.

نوێترین نوسینەکانی ئازاد مەحمود