كه‌لتووری بێدەنگی

وتار/ 20/01/2019 822 جار بینراوە

بارزان محه‌مه‌د ‌سوره‌

كه‌لتووری بێدەنگی

بارزان محمد سووره‌
    كولتووری بێدەنگیی، تایبەتمەندییەكی ڕوونی سیستەمی سیاسیی كۆمەڵایەتیی و پەروەردەیی ئەمڕۆی ڕۆژهه‌ڵاتی ناویینه‌، له ‌هیچ وڵاتێكی ڕۆژهه‌ڵاتیش نابینم ئەم كولتوورە، وه‌ك كوردستان كه‌ ده‌رهه‌ق به‌هاوڵاتیانی خۆیان ده‌یكه‌ن، ناهه‌موارتربێت، لەسەرجەم بوارەكانی ژیاندا ڕەنگی داوەتەوە، ئەم كولتوورە لەبواری پەروەردە و فێركردندا سیستەمی پەروەردەی ستەمگه‌ریی سەركوتكراو بەرهەم دێنێ، ئەم كولتوورە بێدەنگیییە، ترس و دواكەوتوویی بەرهەم دێنێ، باڵ بەسەر پرۆسەی خوێندندا دەكێشێت و تەواوی پرۆسەكە و دەرەنجامەكانی، بۆ بەرژەوەندییی دەسەڵات بەگەڕ دەخات، بۆ ئه‌وه‌ی به‌ئاره‌زووی خۆی مامه‌ڵه‌ی پێوه‌ بكات، له‌ كۆمەڵگەیەكی ئەكتیڤ، كۆی بوارەكانی خەفەدەكات و سەرەونگونی دەكات، به‌ره‌و كۆمه‌ڵگه‌یه‌كی كۆیله‌دار و ده‌ستله‌سه‌رسنگ په‌روه‌رده‌ی ده‌كات، بۆیە كولتووری بێدەنگیی و ترس، لە جێی بیركردنەوە و ڕەخنەكاریی جێگیر ده‌كات، بۆئه‌وه‌ی مرۆڤ بەرەو پەروەردەیەكی بەمرۆڤی كردن ببردرێت، پێویسته ‌ئه‌م كولتووره‌ بێده‌نگیییه‌ تێكبشكێنرێ. كۆی ئەو سیستەمانەی بەرنامە و پڕۆگرامیان داڕشتەی بێدەنگیی و کەپتکردنە، ئەوە هەموو توانا و وزەی خۆیان، دەخنەگەڕ بۆ ئافراندنی بێدەنگیی، نەك هەر وزە و توانا! بەڵكو هێزی سەربازییی ئەمنی و نهێنیی دەخنە كار، بۆ ئەوەی هه‌ركه‌س بێدەنكیی بشكێنێت، بەزووترین كات لەناوی بەرن و تیرۆری سپی بگرنەبەر، لە پێناو بێدەنگكردن، چونكە دەنگ یان (نا) دەبێتە هۆی هەڵدانەوەی كارە قێزەونەكانی دەسەڵات، بەمەش وردە وردە کارەکتەری دەنگە "نا" دەردەکەوێت و لەداییک دەبێت، لەداییکبوون تەقینەوە و شۆڕشە دژ بە بێدەنگکردن.
مانەوەی نووخبه‌یه‌كی بێباك له‌ده‌سه‌ڵات و گوێ نه‌دانی بە هیچ به‌هاو ئایدیایه‌كی مرۆیی و ئازادیی نه‌دات، ئه‌مه‌ش پێویستی به‌ مرۆڤی ئازاو بوێرهه‌یه، ‌بۆئه‌وه‌ی ئه‌ودیواره‌ بت ڕاگیریه‌ی له‌به‌رده‌م ئازادی تاك دا، كراوه‌ته‌وه‌ بشكێت و شۆڕشی ئازادی ده‌ست پێبكات و سیسته‌می بێده‌نگی و سه‌ركوت كردن بسڕێته‌وه‌.

نوێترین نوسینەکانی بارزان محه‌مه‌د ‌سوره‌