16ئۆكتۆبەر لەنێوان خیانەت و دەستووردا.

وتار/ 19/10/2018 634 جار بینراوە

بارزان محه‌مه‌د ‌سوره‌

16ئۆكتۆبەر لەنێوان خیانەت و دەستووردا.
بارزان محمد
    سیاسەت وهونەری سیاسی چەمكانێكن زۆر تێك هەڵكێش و ناوەخنی یەكتر دەبن، كەتێك تێك هەڵكێش و ئاوێتەی یەكتر نەبن زۆر گرنگ نابن. بۆیە لە مێژووی حزبەكلاسیك و پۆست خۆشەویستی و كورسی تانجی ژیانیانە، بۆتە مۆتەكەی كارەكانیان، بۆ ئەوەی پێیەوەبمێننەوەو لەدەسەڵات دورنەكەونەوە، لە سەرەتای شۆڕشەكانی كورد بیگری خیانەت و خۆفرۆشی هەبووەو وەك بۆماوەیی(ویراسی)ماوەتەوە، كە برا لەبرا، ئامۆزا لە ئامۆزا، حزب لەحزب خیانەت و تەڵەكەبازیان لەیەكتری كردووە...تاد، لە ئارپاك و ئەردەشێرەوە سڕەبگرە وەرە شۆڕشەكانی، شێخ سەعیدی پیران، شێخ محمودی حەفید و تا كۆماری كوردستان و تا31ئاب و تا16ئۆكتۆبەر، ئەوانە مشتێكن لەخەرمانی خیانەتكارانی سەرانی كورد، سەرانی كورد بۆ مانەوەی خۆیان كردوویانن، نەك بۆ كوردایەتی و خزمەتی میللەت، بەڵام 16ئۆكتۆبەر تەنها لایەنێك لێی بەرپرسیار نییە؟ لە ئەنجامی ڕێكەوتنەكانی نێوان حزبەدەسەڵات دارەكان، تۆسنی هەندێك كەس و حساب بۆ یەتكتر نەكردن بوونە دوو بەرەی جیاواز، ونەبوونی هونەری سیاسەت و عەقڵیەتێكی مێنتەلێتی خێڵەكی و گۆشەگیری زهنیەت و فیكری هەمەكی دا، ئەوە بڕیارەكانیان و كارەكانیان و خەباتیان لەپێناوپۆست سەرمایەدا، لەوە چاكتر و باشترنابێت، بامیللەتیش لەوە زیاتر چاوەڕێی چاكتر لەوانە نەكات. ئەگەر لە كۆبوونەوەكەی دووكان هەردوولا هاوكۆك نەبان بۆ پێش ئەوەی ئەم دۆخەڕوبدات و كوڕی خەڵك بەكوشت نەچێت ڕاگەیاندن بڵاونەكرانەوەو مات بوون لەنێ,ان هەردوولادا هەڵبژێردرا، ئەگەر یەكیش گیربان و لەسەر بیرەنەوتەكان گەیشتبانەیەك و پەیمان بەستن، ئەستەمبوو خاكی هەرێم بەو فۆڕمۆلەیە بچوبایەو لە51%خاكی هەرێمیان دۆڕاندبایە. هەزاران گەنج و لاوی ئەو گەلەیان نەكربایە قۆچی قوربانی مەرامە تاك خودیەكانی خۆیان. ئەگەر لە 16ئۆكتۆبەردا شەڕ بكرایە و كەركوك بكرایەتە شەڕگەیەكی یەكلاكەرەوەی هێز، ئەوە بێ یەك و دوو عیراق سەركەوتنی بەدەست دەهێناو كورد توشی دۆڕانێكی وێران كەرتر دەبوویەوە، ئەگەری لەدەست دانی ناوچەكانی تریشی لێدەكەوتەوە، بۆیە باشترین دەرفەت گفتوگۆو برواهێنان بوو بە هاوبەرامبەر، چونكە ئەمریكا بەكرداری بەسەرانی كوردی ڕاگەیاندبوو، كە دوای ڕیفراندۆم كورد دەگەڕێنمەوە دوای 2003،  ئەمەش پێویستی بە شرۆڤەو ڕاڤەی جدی هەبووە، كە سەركردایەتی كورد پشت گوێی خستووە. ئینكاری لەسیاسەتدا هەردەم دۆڕانی لەدوایە، بۆیە شەڕنەكردن باشترین بژاردەبوو، چونكە لەعەفرین گەورەترین هەڵەكرا، كە شەڕكرا، چونكە ڕێبەر ئاپۆ دەڵێت: ئێمە توشی شەڕێكی وێرانكاری بووینەوە، لەنەوەدەكان، كە تووشی گەورەترین شكەست بووینەوە، بڕوام نەدەكرد جارێكی تر هەڵسینەوە سەرپێكانمان، چونكە هێزو كەرەستەی جەنگیمان زۆرنابەرامبەر بوو، بەڵام بەهیمەتی سەركردایەتی و گەڕیلاكانمان توانیمان جارێكی تر هەستینەوە، بۆیە ئەگەر ئاپۆ لەدەرەوەی زیندان بوایە هەرگیز ڕێگەی شەڕی هەڵنە دەبژارد، چونكە زیانكی زۆر بەرشەڕڤانان كەوت، چونكە شەڕڤان بە ئاسانی درووست نابێت، ئایدیاو مۆڕاڵی خۆی هەیەودەوێت، بەمووچەنیە، بەزیهنیەت دەبێت. ئەمەش كارێكی قورسە، كە لەكەركوك ئەو هەڵەیە ڕووینەدا كارزانی بوو هونەری سەربازی و سیاسی تیادا بەكارهات، ئەگەر شەڕكرابایە، گەورەترین پاكتاوی هێز ڕووی دەدا ئەویش، هێزی یەكێتی بەیەكجاری لەبن دەچوو، چونكەكاری ئەم حزبانە زیاتر بۆ پاكتاوی یەكترییە نەك، كار بۆ بەهێزی خاك و سەرخستنی میللەت بدەن، كاری ئەوان بۆ پۆست و پارەیە، بۆمانەوەیانە تا دەستیان بەم دووچەمكەبگات، هەمووشتیك دەكەن، كەسەرمایەو پۆستە، با هاوپیمانیش بن چونكە هەردوولا كار لەسەرئەوەش دەكەن بۆئەوەی بەسەر ئەوەیتردا باڵادەستی زیاتری هەبێت. تەنها بۆ بەهێزی خۆی بەسەر ئەوانی تردا...، 16ئۆكتۆبەر خیانەتێكە تەنها لایەنێك لێی بەرپرسیارنییە؟ ئەگەر خیانەت بێـت! بەڵام بەپێی دەستووری عیراق، كە گشت ئەوحزبانەی كاتی خۆی لە دەستووری عیراق و درووستكردنەوەی دەوڵەتی عیراق هەموویان پابەندوو ملكەچن بەم دەستوورەوە، كە سەركردەكانی كوردئیمزای ئەو دەستوورەیان كردووە كەپاراستنی یەكپارچەیی عیراقە، كەبەم شێوەیەش بێت ناچێتە قالبی داگیركردنەوە، بەڵام بەو ئاماژەییەی كە ئەم دووحیزبە دەسڵاتدارەدەكەین، كەحوكمی موتلەقی هەرێمن، هەردووكیان بەهەمان قەبارەی دۆڕان و شكست و لەدەست چون لێی بەرپرسیارن، بەمەش (27,200)كم2،خاكی كوردستانیان، لەدەست دا، كە لەزۆنی سەوز 11,800كم2 خاك لەدەست دراو، هەروەها لەزۆنی زەرد 15,400كم2. بۆیە نەبوونی یەك هەڵوێستی و هەستی نیشتیمان و میللەت دۆستی ئەوە سەرەنجامەكەیەتی. یەكتر قبوڵ نەكردن و كاركردن بۆیەكتر سڕینەوە، ئەوە دەرەنجامەكەیەتی.

نوێترین نوسینەکانی بارزان محه‌مه‌د ‌سوره‌