ئایا خۆپیشاندانی هێمنانەو بایکۆت سودی دەبێت؟

وتار/ 08/10/2016 567 جار بینراوە

بەرهەم مستەفا

ئایا خۆپیشاندانی هێمنانەو بایکۆت سودی دەبێت؟
*بەرهەم مستەفا
 بێگومان خۆپیشاندان و مانگرتن لەکار و نەگەڕانەوە بۆ ڕاپەڕاندنی ئەو ئەرکەی لەسەرمانەو دیاریکراوە ،یەکێکن لەوڕێکارە مەدەنیانەی دەگیرێتەبەر بۆ بەدەستهێنانی مافەکان ،،،بەڵام ئەمە لەکوێ ؟ لەوڵاتێک کە سەرجەم کایەکان و لایەنەکارگێڕیەکان بەدامەزراوەیی کرابێت ،نەک لەهەرێمی کوردستان، کە سوکایەتی بەمرۆڤ و ئازادیەکانی دەکرێت ،نەک لە هەرێمێک کەبەڕێوەبردنی وڵات لەشێوەی میرنیشین و بەهێزی میلیشیا بەڕێوە دەبرێت ، نەک لە کوردستانێک کەحکومەت نوێنەرایەتی چەند کۆمپانیایەک دەکات بۆ پچڕینی پشک و داهاتێکی زیاتر لەبەتاڵانبردنی سامانی نیشتیمانی...هەربۆیە ئەم دەسەڵاتەی لەمەڕ خۆمان بەلایەوە گرنگ نیە ڕۆژانە چەندین خۆپیشاندان دەکرێ یانا ، بەلایەوە گرنگ نیە نەک هەفتەو مانگێگ، بگرە ساڵێکیش بایکۆت بکەی،، هەربۆیە خۆپیشاندان و بایکۆت لەوڵاتی ئێمەدا زۆرجار مەبەستی خۆی ناپێکێت ...کەواتە تەنیا چارەسەر ئەوەیە هەرکارێک ئەکەین بۆ بەدەستهێنانی مافەکانمان دەبێت بەشێوەیەک بێ کە زیانی هەبێ بۆ کورسی و دەسەڵاتی بەرپرسانی وڵات ،هەرکات توانیمان ئەو مەترسیە لەسەر کورسی و دەسەڵاتی بەرپرسان دروست بکەین ئەوا بێ سێ و دوو دێنەسەرخەت و ئێمەش بەئامانجی خۆمان دەگەین،، بۆسەرخستنی ئەم پرسەش یەکڕیزی نێوان موجەخۆران و هاوڵاتیان گرنگە.

* ئەندامی سکرتاریەتی ی م ک

نوێترین نوسینەکانی بەرهەم مستەفا