ناره‌زایه‌تیه‌کانی خه‌لک و پرسی کشانه‌وه‌ له‌حکومه‌ت

وتار/ 18/09/2016 517 جار بینراوە

د.شوان قه‌ڵادزه‌یی

ئیمه‌ به‌هه‌مو شێوه‌یه‌ک پشتیوانی له‌ناره‌زایه‌تیه‌کانی خه‌لک ئه‌که‌ین و له‌گه‌ڵیاندا ئه‌بین و سه‌ربازیکین له‌پیناو گه‌یشتن به‌ئامانجه‌ ره‌واکانیان که‌چاک کردنی ژیان و گوزه‌ران و بژیوی به‌ش مه‌ینه‌تی خه‌لکی کوردستانه‌ له‌گه‌ل چاکسازی و شه‌فافی له‌داهاتی نه‌وت و سامانه‌ سروشتیه‌کان و هه‌لگرتنی سزای سه‌رفه‌رمانبه‌ران به‌ناوی پاشه‌که‌وته‌وه‌....
دلنیاشین ناره‌زایه‌تیه‌کان جدین وئه‌گه‌ر ده‌سه‌ڵات فریا خۆی نه‌که‌وێت ئه‌وا بومه‌له‌رزه‌یه‌کی تێکه‌ڵ له‌رق و کینه‌ به‌ریوه‌یه‌ و لافاو ئاسا زوڵم و سته‌م و سیاسه‌تی برسی کردن رائه‌ماڵیت و ئه‌و کاته‌ هیچ شێک دادیان نادات و گلۆله‌ی ده‌سه‌لاتیان ئه‌که‌وێته‌ لێژییه‌وه‌ و کورد وته‌نی کاڵه‌ک به‌ئه‌ژنۆی خۆتان ئه‌شکێینن و په‌شێمان بونه‌وه‌ش فریاتان ناکه‌وێت..
ده‌ریش که‌وتووه‌ تاکه‌ رێگا دروست کردنی فشاری مه‌ده‌نی کرده‌ییه‌، چونکه‌ به‌ئاشکرا ده‌رکه‌وت ئه‌و ده‌سه‌لاته‌ چآکسازی ناکات و میلله‌ت به‌ره‌و هه‌ژاری و نه‌داری ئه‌گه‌رێنێته‌وه‌ دواوه‌، له‌هه‌مان کاتدا حزبه‌ به‌شدار بووه‌کانی حکومه‌ت به‌تایبه‌ت ئۆپۆزسیۆنه‌کانی پێشو هه‌لوێستیان نییه‌،له‌ئه‌نجومه‌نی وه‌زیران سیاسه‌تی ناره‌وای که‌م کردنه‌وه‌ی موچه‌ به‌ناوی پاشه‌که‌وته‌وه‌ دائه‌رێژریت هه‌ر نوقه‌یان لێوه‌ نایه‌ت جگه‌ له‌نوزه‌ نوزی {الخوالف}}انه‌،
له‌لایه‌کی براده‌ره‌کانیان له‌ ئه‌نجومه‌نی وه‌زیران به‌ناره‌واو نایاسایی ده‌رکران و نیردرانه‌ ماله‌وه‌ هه‌ر وتیان ئاگره‌ سوره‌ له‌خۆم دوره‌..،ئه‌م هه‌مو قه‌یرانه‌ له‌کوردستان به‌سه‌ر یه‌کدا که‌له‌که‌بووه‌ به‌لام هه‌ر بێ ده‌نگن،له‌و لاوه‌ ناوه‌ ناوه‌ دۆسیه‌ی خانه‌ نشێنی پله‌ بالاکانیان ئاشکرا ئه‌بێت که‌به‌چه‌ندین ملیۆن له‌سه‌ر داهات و قوتی خه‌لک خانه‌نشین کراون..
که‌واته‌ باشترین چاره‌سه‌ر به‌رپاکردنی فراوانی شۆرشی ناره‌زایی خه‌لک و به‌رده‌وام بونی فشاری مه‌ده‌نی شۆرشی سپی برسیه‌کانه‌ تا ئه‌و لایه‌نانه‌ له‌ حکومه‌ت بکشینه‌وه‌وازله‌به‌رژه‌وه‌ندیه‌ حزبیه‌کانیان بهێنن و بیر له‌چاره‌سه‌رکردنی ڕیشه‌یی قه‌یرانه‌کان بکه‌نه‌ وه‌ به‌مه‌به‌ستی رزگارکردنی جه‌ماوه‌ری کوردستان له‌ و میرده‌زمانه‌ی که‌ جه‌ندین ساله‌ له‌سته‌م و نادادی و هه‌ڵلوشینی داهاتی ئه‌م ولاته‌ زێرینه‌دا غه‌رق بوون.