وڵامێک بۆ ( گیڤارا ) بەشی دووەم

وتار/ 13/02/2021 618 جار بینراوە

هۆشەنگ جاهویی

وڵامێک بۆ ( گیڤارا ) بەشی دووەم

هۆشەنگ جاهویی

خۆکوشتن و گیان بەخت کردن لەڕێگەی خۆکوژیەوە بەتەنیا هەڵگرانی ڕێگەی جیهادیەکانی نەگرتۆتەوە ، بەڵکو بەشێک لەوانەش ئەوڕێگەیان گرتوەتەبەر  کەوەک شۆڕشگێڕێک خۆیان لەقەڵەم دەدەن و هانی ئەوانەش دەدەن کەلەکاتی جەنگدا خۆیان بکوژن.

گیڤارای شۆڕشگێڕ دەڵێت : دایم وەک دووپشک بە
کە هاتن بۆت خۆت خۆت بکوژە

لێرەدا ( گیڤارا ) هانی هەموو ئەوچەکدارانەدات کەلەکاتی جەنگدا خۆیان بەدەستەوەنەدەن و لەکاتی نزیکبوونەوەی دووژمن خۆیان بکوژن ، واتا کۆتایی بەژیانی خۆیان بێنن.

ئەوەی گرنگە لەم بابەتەماندا ئەوەیە ۆکوژی و کۆتایی هێنان بەژیان بەتەنیا لەناو گروپە جیهادیەکانی ئایندانیە ، بەڵکو ئەوەتا یەکێک لەسەرکردە شۆڕشگێڕیە جیهانیەکان بڕوای تەواوی بەخۆکوژی هەیەو بەڵکو هانی هەمووئەوانەش دەدات کەلەکاتی نزیکبونەوەی دووژمندا کۆتایی بەژیانی خۆیان بهێنن.
یەکێک لەپەیڕەوانی ئەم قسەیەی ( گیڤارا ) هێزەکانی پەکەکەن ،کەزۆرجار بەناوی شۆڕشگێڕیەوە لەکاتی جەنگدا کۆتایی بەژیانی خۆیان دێنن .
لێرەدا حەق وانیە خۆکوژی و خۆبەدەستەوەنەدان بەتەنیا لەگروپە جیهادیەکان بەرتەسک نەکرێتەوە ، چونکە زۆرینەی ئەوانەش بڕوایان پێیەتی کەدەکەونەدەرەوەی بازنەی ئاین و بەناوی جۆراوجۆرەوە بەخۆکوشتن کۆتایی بەژیانی خۆیان دێنن.

نوێترین نوسینەکانی هۆشەنگ جاهویی