نەخۆشکەوتنی کەسانی خۆپیشاندەر

وتار/ 25/08/2020 449 جار بینراوە

هۆشەنگ جاهویی

نەخۆشکەوتنی کەسانی خۆپیشاندەر

هۆشەنگ جاهویی
خۆپیشاندان مافێکی ڕوای ئەوکۆمەڵەیە کەهەڵدەستن بەخۆپیشاندان بەمەبەستی ناڕەزایی دەربڕین بۆداواکاریەکانیان. ئەمە شتێکی سروشتی داواکاری خەڵکە ، بەڵام ئەوەی بووەتە نەخۆش کەوتنی کەسانی خۆپیشاندەران ئەوەیە کاتێک دەیانەوێت خۆپپیشاندان بکەن ئەوان تەڕوو وشک بەیەکەوە دەسووتێنن ،کەماوەی چەند ساڵێکە ئاراستەی خۆپیشاندانەکان گۆڕاوەو  لەلایەن  کەسانی نەخۆشەوە ئاراستەکان پێچەوانە دەبنەوە . دەکرێت و شتێکی ئاساییە کەسانی خۆپیشاندەر  لەکاتی خۆپیشاندان و ناڕەزایی دەربڕیندا حەماسەت بیانگرێت و ئەم حەماسەتە پەلکێشی زۆرشتیان بکات ، بەڵام لەونێوەندەدا  ئەگەرچی حەماسەت دەیانگرێت بەڵام دەروون نەخۆشیانە پەلاماری زۆرشت دەدەن  کەهیچ پەیوەندیان  بەو  بەرپرسیارەتیە نیە کەبووتە توڕەکردنی کەسانی خۆپیشاندەر ، وەک پەلاماردان و سووتانی ئەوبارەگا حیزبیانەی کەهیچ پەیوەندیان بە دروست کردنی دۆخێکی وەهانالەبارنیە  کەلەلایەن دەستەڵاتەوە  ناتواندرێت داواکاریەکانی خەڵک جێ بەجێ بکات . دەکرێت ئەوحیزب و لایەنانە زۆرجار بۆ داواکاریەکانی ئەوخەڵکە لەگەڵ دەستەڵات یا لایەنەکانی ناودەستەڵات بکەوێتە سەنگەرەوە، کەچی لەلایەن خودی خۆپیشاندەرانەوە  پەلاماری بارەگاکانی ئەولایەنەش دەدرێت کەهەمیشە لەسەرداواکاریەکانی خەڵک  چوەتە سەنگەر لەدژی دەستەڵات .
دەکرێت لێرەدا  بەهۆی ئاراستە گۆڕینی کۆمەڵی خۆپیشاندەران چەندان خاڵی لاوازیان نیشان بدەین ، خۆپیشاندەران کەناتوانن ڕاستەوخۆ  پەیامیان بگەیەنە کەسانی بەرپرسیارو  کاری وەهابکەن  خۆپیشاندانەکانیان کاری گەری هەبێت  بۆیە لێرەدا پەرچە کردار دروستەکەن ئەمە وەک ئەوە وایە  بکەویتە سەنگەر  لەدژی ئەوانەی کەلەگەڵتا لەسەنگەرن . ئەمە نەخۆشیەکە کەماوەی چەندساڵێکە پەڕیوەتە کەسانی خۆپیشاندەرەوە .
جابۆئەوەی کەسانی خۆپیشاندەر  بتوانن  ناڕەزایەتیەکانیان کاری گەری هەبێت دەبێت ڕوولەوکەس و لایەن و دەستەڵاتە بکەن کە هۆکارن بۆ دروست کردنی دۆخێکی لەوبارە کەبوونەتە هۆکاری ناڕەزایی دەربڕین . جگەلەوەش ئەم ئاراستە گۆڕینەو  پەلاماردانی ئەوبارەگا لایەنانەی کەهاپەیمانی خۆپیشاندانەکانن ئەوەیە خاڵی لاوازی خۆپیشاندەران دەرەخات ، کەبەو  کارەیان دەبێتە هۆکاری ئەوەی  خۆپیشاندانەکانیان  جگە لەماندووبوونیان و کات کوشتن و بەفیڕۆدان هیچ کاری گەری لەسەر خودی لایەنی پەیوەندی داروو دەستەڵات دروست نەکات ، چونکە خۆپیشاندانێکی لەوجۆرە  بێ هوودەو هیوایەو هیچ ئەنجامێکی نابێت . چونکە گەربتەوێت خۆپیشاندان ئەنجامی هەبێت ئەوا دەبێت تەنیا ڕوولەولایەنە پەیوەندی دارانەوە بکەی کە بەرپرسیاری دۆخەکەن ، جگەلەوەش گەربتەوێت هەموو ئەمانە ئەنجامی هەبێت ئەوا نابێت بەهیچ شێوەیەک ترست لەلایەنی پەیوەندی دارهەبێت و دەبێت بەشێوەیەکی دیار ڕووت لەوبێت .

نوێترین نوسینەکانی هۆشەنگ جاهویی