چەند وتە و وانەیەک لەبارەی کۆروناوە

وتار/ 01/04/2020 525 جار بینراوە

سالار مەحمود

چەند وتە و وانەیەک لەبارەی کۆروناوە

سالار مەحمود
#کۆرونا دوژمنی هەمووانە لەچینەو تا ماچین، جیاوازی چینەکانی مرۆڤایەتی نازانێ.
#یەکەم جارە کورد لەنەهامەتیدا تەنیا نیەو لەگەڵ جیهاندا یەک چارەنووسی هەیە.
#ترس و تۆقین لە کۆرونا زۆر جار مەترسیدارترە لە خودی ڤایرۆسی کۆرونا.
#کۆرونا زۆر کەس و کۆمپانیای ئیفلاس کردو، زۆر دڵ و دەروونی لەمرۆڤبوون دەوڵەمەند کرد.
#کۆرونا ئەو شەڕەی هاتە بەردەم هەموو ماڵێک.
#ئەوەی سنورەکانی داخست کۆرونا بوو، ئەوەی تەواوی مرۆڤایەتی هاوهەڵوێست کرد هەر کۆرونا بوو.
#کۆرونا دەمامکی لەسەر راستیەک هەڵماڵی کە مرۆڤایەتی لەپێش ئابوری و قازانجەوەیە.
#کۆرونا مرۆڤی خستەوە بەردەم تاقیکردنەوەیەکی چارەنووساز، ئەزموون بەسەر هەموو کۆسپەکاندا سەری دەخات.
#ژیان ئەزموونکردنی ڤایرۆس و دژەکانیەتی لەپێناو مانەوەدا.
#کۆرونا دەرسێکە بۆ  مرۆڤ لە پاکوخاوێن  راگرتنی خۆی و ژینگەی زەوی.
#لەسەردەمی کۆروناشدا هەندێک هێشتا هەر بیریان تەنیا لای پارەو قازانجە.
#كاتێك مرۆڤ ژیانی خۆی و زەوی لە بیر دەكات، پێویستی بە زللەیەكە؛ كۆرۆنا ئەو زلەیەیە
#کۆرونا بە نادیاری هات و بەنادیاریش ئەڕوات.
#ئەمەی دەگوزەرێت جەنگی جیهانییە! بەڵام خۆشبەختانە مرۆڤایەتی یەک سوپایە دژی زیندەوەرێکی تر کۆتایی جەنگەکەش دیارە!
#کۆرونا یەک گوناهە، هەزار تۆبەی کاتی بە مرۆڤایەتی کرد.

نوێترین نوسینەکانی سالار مەحمود