بزانه ئێمه‌ی كورد چ جۆره میلله‌تێكین
وتار/
12/01/2019
857 جار بینراوە
د.ھەڤین که‌مال
بزانه ئێمه‌ی كورد چ جۆره میلله‌تێكین
د. ھڤین کمال شاە محمد
--ئێمە ئەو گەلەین کە لە دانیشتنەکانمان و
گفتوگۆکانمان دا ، لە نوسین و پۆستەکانماندا ، لە ھۆنراوەو ڕۆمانەکانماندا
......جنێو و قسە نامێنێت نەیڵێین بە ھەموو سیاسیەکان و پەرلەمانتاران و دەوڵەت و
سیستەم ......ھەر ئەوەندەی بانگەشەی ھەڵبژاردنیش دەستی پێکرد ھەموومان ئەڕژێنە سەر
شەقام و سێ پێی ھەڵدەپەڕین و پێش ھەموو کەس ڕادەکەین دەنگیان دەدەینێ ، وپەنجەمان
مۆر دەکەین ....لەفیس بوکیش دایئەنێن ...!!!
****
--ئێمە ئەو گەلەین کە بەم ڕۆژگارە جنێو بە
پارێزگاو کارگوزاری پارێزگاکان دەدەین کە گوایە پاشەڕۆی سەر شەقامەکان پاک ناکەنەوە
و پاکو خاوێنی گۆڕەپانەکانمان ڕاناگرن ....بەڵام خۆمان لەسەیارەکانمانەوە و لە دەرگای
ماڵەکانمانەوە پاشەڕۆ ھەڵدەدەین ، لەگۆڕەپانەکانماندا میزو پیسایی دەکەین ...گوڵی
باخچەکان ھەلدەوەرێنین و دارەکانمان دەسوتێنین ....بێئەوەی بیرێک لە ژینگە بکەینەوە
...
***
--ئێمە ئەو گەلەین کە نەفرەت لە گرانی کەل وپەل
وشت ومەک و خواردن دەکەین ..ھەموو جارێک پێشبڕکێ دەکەین لە کرینیان و ھەڵ گرتنیان
و پاشەکەوت کردنیان ..لەگەڵ ئەوەشدا یەکەم گەلین کەلەھەموو گەلەکانی تر زیاتر
خواردن فڕێ ئەدەینە تەنەکەی زبڵەکانمانەوە ..ئێمەین ئەو گەلەی کە ڕەقەمی گینسمان
شکاندووە لە بەفیڕۆدانی خۆراک دا ...بەڵام باڵندە و ئاژەڵە کێویەکانمان لەبرساندا
مردار دەبنەوە ...
*****
ئێمەین ئەو گەلەین کە بەڕۆژ خەووتوین و بەشەو بێدارین
... گەنجەکانمان لە چایخانەکان و ڕێستورانتەکان دا نێرگەلە دەکێشین و خۆیان مەست دەکەن
ھەتا بەرەبەیان ... ژنەکانمان باسی خەڵک و مۆدیل و ستایل دەکەن ...پیاوەکانمان باسی
سیاسەت و پارەو ئۆتۆمبیل دەکەن ...ھەمووشمان ڕەخنە دەگرین و دەڵێین :..(بۆ ئێمەش وەکو
ئەوروپا و ئەمریکا و یابان نین )..
*****
ئێمەین ئەو گەلەین مناڵەکانمان فێری توندو تیژی و قیژەقیژ
و درۆ دەکەین بە ھەڵسوکەوتمان لەبەردەمیاندا ...لەبری فێری ھونەر و وێنەکێشان و
موسیک ژەنینیان بکەین ....ئێمەین ئەو گەلەین لەمناڵیەوە بە مناڵەکانمان دەڵێن ئەبێت
ببن بە پزیشک و ئەندازیار و مامۆستای زانکۆ و بازرگان ..کەچی خۆشمان ھەمیشە جنێو و
قسە بەو چینانە دەڵێن ..!!! ئێمەین ئەو گەلەی کە نازانین ھەموو پیشەیەک پیرۆزیی خۆی
ھەیە ، نازانین ژیان بێ کارگوزار و گوڵ فرۆش و شاعیر و کرێکار مەحاڵە بڕوات بەڕێوە
....
*****
ئێمەین ئەو گەلەی کە ڕووداوێک ڕوودەدات لەجیاتی ڕاکەین بە
ھانایەوە ودەستی یارمەتی درێژ کەین ..دەستمان ئەبەین بۆ گیرفانمان و مۆبایلەکانمان
دەرئەھێنین و وێنەی دەگرین و پۆستی دەکەین ..یاخود سناپی دەکەین ..تا زۆرترین لایک
و کۆمێنت و ریئەکشن بە دەست بێنین ...بێ گوێدانە قوربانیەکانی ڕووداوەکەو کاریگەری
لەسەری ....
*****
ئێمەین ئەو گەلەی ھەموو شتێکمان سپۆنسەرە ، بێژەرەکانمان
و ڕاگەیاندنمان سپۆنسەری بۆتیکی جل وبەرگەکان و مکیاژەکانن ، میدیاکانمان و بەرنامە
تەلەفیزێۆنەکانمان سپۆنسەری برنج و چا و زەیتی گوڵەبەڕۆژەن ... بەرنامە تەندروستیەکانمان
سپۆنسەری کۆمپانیای دەرمانەکانن ...ئێمەین ئەو گەلەی ھەموومان سپۆنسەرین بە دەستی
بازرگانەکانەوە ...چۆن ئەمانفرۆشن و ئەمان کڕن ....
*****
ئێمەین ئەو گەلەی کە ڕۆژێک ھان دەدەین بۆ ژن کوشتن ، بۆ
بێحورمەتی و گاڵتەجاری بە ئافرەت ، بۆ لەکەدار کردنی ئەوەی بەرامبەر ...ڕۆژی دوایی
دەست دەکەین بە شیوەن کردن بۆ ئەو ژنەی کە سوتاوە ، بۆ ئەو ژنەی کە کوژراوە ...ئێمەین
ئەو گەلەین ئێسکی یەکتری ئەشکێنین ، خوینی یەکدی ئەخۆینەوە ...دوایش پرسە دائەنێن
بۆ یەکتر ...
***"
ئێمەین ئەو گەلەی ئەمان ناسیتەوە لە گشت شوێنێک بە دەنگە
بەرزەکەمان ، بە ھاوار کردنمان ، بە بۆڵە بۆڵمان ، بە توندو تیژیمان ..بە لادانمان
لە یاساکان لەوڵاتەکەی خۆماندا ...ھەر ئەوەنەی گەشتینە ووڵاتێکی تر ..ھەموو یاساکان
پەیڕەو دەکەین و دەڵێین ئێمە ھیچ یاسایەکمان نیە ....خەڵکەکانمان ڕۆشنبیر نین
..!!!!
****
ئێمەین ئەو گەلەین بێ ناوەڕۆک ، بێ فەرھەنگ ، بێ بەرنامە
، بێ ڕابردوو ، بێ داھاتوو ...ئێمەین ھیچ لەخۆماندا ناگۆڕین و ئەمانەوێت ھەموو شتێکیش
بە دڵی ئێمە بێت ...ئێمەین مردووی بەشی زیندوو خۆرین ....ئێمەین ئەو گەلەین کە شەرم
ناکەین .....!!!
وە سەلام .....
# ان الله لا يغير مابقوم حتى يغيروا ما
باءنفسهم ..
نوێترین نوسینەکانی د.ھەڤین که‌مال