حكومەت,مامۆستایانی ئاینی فریاكەون!
وتار/
25/12/2018
1187 جار بینراوە
هەرێم عه‌بدولره‌حمان
حكومەت,مامۆستایانی ئاینی فریاكەون!
ن: هەرێم عه‌بدولره‌حمان
لەم هەرێمی كوردستانە , بە تایبەتر ئەم شاری سلێمانیە دەچیتە هەر ناوچەو
گەرەكێك كەسێك یان چەند كەسێك هەن بەناوی خوازراوە وەك فڵان و شێخ فیسار , وەك بۆمبی تەوقیتكراو ئامادەو لەسەر پێن , بۆ ژەهر ڕشتن و بە قەڵمە شەیتانیەكانیان
! بەناوی نوشتەچیی و ساحیر و بەختگرەوە , بەدەیان جۆر و مۆدێل نوشتە وسیحر دەكەن لەبەرامبەر وەرگرتنی برَێك پارە , ژیانی سەدان خێزان و تاكی ئەم كۆمەڵگەیان تێكداوە , كردویانە بە
دۆزەخ!
نوشتەو جادو , ئەو ڕق و بوغزە ئیبلیسیەیە كە تێكڕای مرۆڤایەتی گرتۆتەوە لە كۆنەوە تا ئێستە ڕۆژ دوای ڕۆژ , ئەم ژەهر ودەردە ترسناكە پەرەسەندن دایە!, بە تایبەت لەم وڵاتە
شەرقی و خۆر هەڵاتیانە , ساڵ بە ساڵ زیاتر
ڕەگ و ڕیشە دادە كوتێت , بە دیاریكراویش لەم كوردستانە بونەتە مۆرانە, ئەم كۆمەڵگەیان هەڵتەكاندووە
,
ساحیر و جادوكار " مرۆڤانێكن لە ناخدا شەیتان و لە ڕوخساریشدا بەشەر ! ئەم كەسانە بەتەواوی خۆیان ڕادەستی بەرنامەو ئەدیانی شەیتانكردووە , لەبەرامبەر پول و پارە بەخراپی
دەجەنگن دژی دین و مرۆڤایەتی بۆ ڕازیكردنی
دڵی ئیبلیسەكانیان, ئیبلیسیش ئەوەیە كە خودا دەریكردووە لە سۆز و ڕەحمی خۆی بەهۆی مرۆڤەوە ! لەم سۆنگەوە ئەویش
وەك گەورەترین دوژمنی مرۆڤ لە پلان و بۆسەدان بۆ بەلاڕێدابردنی تاك تاكی مرۆڤایەتی!
ئەوەی جێی سەرنجە , ئەم زۆڵەكانەی ناو كۆمەڵگەن كە دورن لەهەموو ئاكار
و بەه ائەخلاقییەكانی ئینسانیەت, كاردەكەن بۆ لێكترازان و دروستكردنی ئاژاوەو
نیفاق بە دیاریكراویش پەیوەندی نێوان ژن
و مێرد .
ئەم نوێنەرانەی شەیتان " ساحیر و
جادوكار" لە زۆر بەی گەرەكەكانی ئەم
شارە دەواریان هەڵداوە , زۆر بە ئاسودەی وبێخەم كاردەكەن! وەك باندو تۆڕی
جاڵجاڵۆكە لەم شارە لق و پۆپیان لێداوە , لایەنی پەیوەندیدار و حكومەتیش چاوی خۆیان
لێداخستووە وەك ئەوەی هەر بابەت و مەوزع نەبێت.
ئەرێ وەزارەتی
داد , ڕێكخراوەكانی كۆمەڵگەی مەدەنی ,مامۆستایانی ئاینی هیچ ناوەند و بەشێكتان هەیە
بەناوی ناوەندی " توێژینەوەو گەڕان
" لەسەر ئەم هەموو ڕێژەی تەڵاق و جیابونەوەیە ؟! ئایا ئەم هەموو تەڵاق و جیابونەوەیە هۆكاری خراپ بەكار هێنانی
مۆباێڵ و سۆشیال میدیایە؟ یاخود خیانەتی
هاوسەرێتیە ؟ یان نەبونی و هەژارییە؟ نەخێر, ڕاستەی ئەوانەی باسمكردون سەبەبن بەڵام هۆكارە سەرەكی نین , هۆكاری سەرەكی ئەم نوشتە چی و ساحیرانەن كە ڕۆژ و شەو ماڵو شوێنەكانیان جمەیان دێ و بۆ ژەهر ڕشتن بە قەڵمە پیس و بەدە كانیان ! بۆ تێكدانی ئاشتی كۆمەڵایەتی و هەڵوەشاندنەوەی
شیرازەی خێزان.
حكومەت مامۆستایانی ئاینی فریاكەون , ئەگەر ستۆپێك بەم ڤایرۆس و دوژمنانەی
كۆمەڵگەی كوردی نەكەن دڵنیابن پرۆسەی زەواج و خێزانداری لەبەردەم هەڕەشەو مەترسیەكی زۆر گەورە دایە, ئەگەر بەم ڕیژەو
ئاستە ئەم ساحیرو جادوكارانە لەم شارەدا لە زیاد بون و هەڵكشاندا بن بەرچاو ڕون بن لە چەند ساڵی داهاتوودا پرۆسەی زەواج
خانەوادەگی زڕو بێسەمەر دەبێت.
نوێترین نوسینەکانی هەرێم عه‌بدولره‌حمان