پێویسته كۆمه‌ڵ به مه‌رج به‌شداری كۆبوونه‌وه بكات
وتار/
20/09/2016
827 جار بینراوە
دانا محمد
پێویسته كۆمه‌ڵ به مه‌رج به‌شداری كۆبوونه‌وه بكات
دوای ئه‌وه‌ی ڕۆژی شه‌ممه 17/9/2016 له‌شاری سلێمانی (به‌ره‌ی ناڕه‌زایی خه‌ڵك) ڕاگه‌یه‌ندراو ڕۆژی 27ی ئه‌م مانگه‌ی دیاری كرد بۆ خۆپیشاندانی به‌رفراوان، سه‌رۆكایه‌تی حكومه‌ت داوای كۆبوونه‌وه‌ی لایه‌نه به‌شداره‌كانی حكومه‌ت و په‌رله‌مانی كرد.
كۆمه‌ڵی ئیسلامیش كه یه‌كێكه له‌و حزبانه‌ی به‌شداره له حكومه‌ت و په‌رله‌مان، بۆیه پێویسته به مه‌رجی (ڕاسته‌وخۆ ڕوماڵكردنی له‌لایه‌ن ده‌زگاكانی ڕاگه‌یاندنه‌وه)، به‌شداری كۆبوونه‌وه‌كه‌ی سه‌رۆكایه‌تی حكومه‌ت بكات.
گرنگی ڕوماڵكردنی ڕاسته‌خۆی كۆبوونه‌وه‌كه له‌وه‌دایه هاوڵاتیانی هه‌رێم ده‌زانن چی ده‌گوزه‌رێت له كۆبوونه‌وه داخراوه‌كاندا، هه‌روه‌ها ڕاستی و دروستی ئه داتاو ژمارانه ڕوون ده‌بێته‌وه كه په‌رله‌مانتاران له كه‌ناڵه‌كانی ڕاگه‌یاندنه‌وه له‌سه‌ر دزی و گه‌نده‌ڵی و نا شه‌فافی له سێكته‌ری نه‌وتدا ده‌یخه‌نه ڕوو، به‌پێچه‌وانه‌شه‌وه وته‌كانی حكومه‌ت له‌سه‌ر قه‌یرانه‌كان له مه‌حه‌ك ده‌درێت.
دانا محمد
كارگێڕی مه‌ڵبه‌ندی سلێمانی كۆمه‌ڵی ئیسلامی
نوێترین نوسینەکانی دانا محمد
-
دانا محمد
15/01/2020
-
دانا محمد
20/09/2016