مەطبەخ و مەتخەل و مەشتەل و موشتەمەلاتە سیاسیەکانییان بە کوێ گەشت ؟

وتار/ 11/10/2017 1098 جار بینراوە

ديارى حمەامین نەوڕۆڵی

مەطبەخ و مەتخەل و مەشتەل و موشتەمەلاتە سیاسیەکانییان بە کوێ گەشت ؟
ديارى حمەامین حمەساڵح نەوڕۆڵی
لە ماوەی ڕابردوو لێرە و لەوێ، لە کۆبونەوە و دیدار و دیبەیت و چاوپێکەوتنە ڕۆژنامەوانیەکاندا، گوێ بیستی هەندێ ناو بووین  وەک مەطبەخ و مەتخەل و مەشتەل و مووشتەریات و موشتەمەلاتی  سیاسی  لەسەر زمانی لایەنێکی  نا ئیسلامی و بێ هەڵویستی گۆرەپانی سیاسی کوردستان   کە هیچ جموجوڵێکی سیاسی ئەوتۆیان نیە جگە لە  هەوڵ دان  بۆ کۆکەرەوی حیزب و لایەنەکان کە ئەوەش  بۆیان نایەتەدی و سووبحااللە   فەشەڵ دوای  فەشەل  بەرۆکی هەوڵەکانیان دەگرێت گەر کۆشیان کەنەوە هیچ نەتیجە و بەرهەمێکی  نەبوە و نابێ و ئێ ئیتر نازانم  بۆ واز لەم کار و هەوڵانە ناهێن و بیر لە هەوڵ و ڕێگای کە کەنەوە  چونکە  ئێوە خۆتانتان پێ کۆناکرێتەوە و بریارێکتان بۆ نادرێت ئیلا  ئەبێ  ببن  بە  5 بە 5 کەی  پەرلەمان  بۆ هەموو بریارە سیاسیەکانتان .

داماو و قوربەسەرینە  ئێوە  نە مەتبەخی سیاسی و نە تەباخیشتان هەیە  بۆ دەبێ ببن بە   تەباخ و  مەتبەخی سیاسی  حیزب و لایەنەکانی دیکە  ؟

 پێم  وایە ئەم  برادەرانە  بۆیە لەم هەواڵانە وازناهێنن و  دانابرێن چونکە   ، هەموو  کات لە لایەن هاوڵاتیان و ڕوناکبیرانەوە ڕوبەروی ئیحراجیی سیاسی ئەکرێنەوە بەهۆی لاوازی هەڵویستە سیاسیاکانیانەوە  بۆیە ئەیانەوێ لە ژێر دروست کردنی ئەم ناوانە
 پینە و پەڕۆی  هەڵوێستە سیاسیە لەرزۆکەکانیان بکەن  و  ،  پەردەپۆشی کێشە و قەیرانە شەخسی و ناوخۆییەکانیانیان بکەن  یان ڕەنگە بۆ زەمینە ساز کردنە بۆ بەشدارییان لە تەواو کردنی ئەو کودەتایەی بەسەر شەریعەتدا هاتوە لە ڕابردودا .

هەوڵ دان و دروستکردنی ناوی نەزۆک و لەرزۆک  و بەدی نەهێنراو لە پێناو کۆبوونەوەی لایەنەکان  هەر رۆژە و بەناوێکەوە بۆ  ئەوەیە بیکاتە  چەپکە گوڵی دەستی خۆی و موزایەدەی سیاسی پێ بنەخشێنێت و  کۆمەڵانی خەڵک و هاوڵاتیانی کوردی پێ چەواشە بکات و بەجۆڕێکی تر سەیریان بکەن و  گوایە ئەمانن سەمانی ئەمان و ئاشتی و یەکریزی و تەبایی  کوردستان .

بەدرێژایی چەند ساڵی ڕابردوو بە ئێستەیشەوە  بڕادەران  چەندین موجازەفەو موغامەرەی سیاسییان  ئەنجامدا، كە هیچیان مەنتیقی‌و عەمەلی نەبون، دورو نزیك نەكەوتنە‌ كایەیی هەوڵەكان بۆ گۆڕانكاری لەسیستمی سیاسی لەم هەرێمە و چارەسەرکاری   کێشە و گرفتە سیاسیەکانی پێ بکەن .

ئەوانە هەمویان هێندەی ئیزدیواجیەت و موزایدە و پەردەپۆشکردن  بـوون لەكردارو گوتار، هێندەی تۆزقاڵێك سودیان نەگەیاندە بەڕەوتی نزیكبونەوەی لایەنەکان و  ئامانجە سەرەتاییەكانی کۆمەڵانی خەڵک  كەخواستی خەڵك بون‌، بەپێچەوانەوە كاریگەری سلبییان كردە سەر مصداقییەت لەلای دەنگدەرانی  خۆیان و خەڵکیش، بەجۆرێك  بەردەوام گوێ بیستی وازهێنانی کادیرە باڵاکانیان دەبین و بەهۆی ناڕازیان لە سیاسەتی حیزبەکەیان  کە پێشووووتر  لە نوسینێکمدا  بەناوی" پایزییان  وا دێت " ئاماژەم پێ داوە .


پرسیار ئەوەیە ئایا ئەم هەڵوێستە سیاسییانەیان   لەماوەی داهاتو  باجەكەی چەندە قەبە ئەبێت؟ وە كێ ئەو باجە ئەدات؟  خۆیان ؟ یان هاووڵاتییان‌و دەنگدەرەكانی؟؟؟

نوێترین نوسینەکانی ديارى حمەامین نەوڕۆڵی