مامەڵەی نا عەقڵانی و نا ئەخلاقی فەڕەنسا بەرامبەر پرسی کاریکاتێرەکان و سوکایەتی بە پێغەمبەر(د.خ)
وتار/
24/10/2020
413 جار بینراوە
م.یاسین وەرتی
مامەڵەی نا عەقڵانی و نا ئەخلاقی فەڕەنسا بەرامبەر پرسی
کاریکاتێرەکان و سوکایەتی بە پێغەمبەری ئیسلام (درودی خوای لێ بێت) ...
م.یاسین وەرتی
هەڵوێستی حکومەتی فەڕەنسا لەسەر کاریکاتێرکان و سوکایەتی
کردن بە پێغەمبەری ئیسلام (درودی خوای لێ بێت) کە ڕایان گەیاند بەردەوام بن لەسەری،
مامەڵەیەکی هەم ناعەقڵانی و هەم نا ئەخلاقیه.
ناعەقڵانیە لەبەر ئەوەی ملیۆنەها مرۆڤی ئەم سەرزەویە دەکاتە
دوژمنی خۆی، لەکاتێکدا دەکرا بەتوندی بەرپەرچی کردە توندوتیژیەکان بدەنەوە بێ ئەوەی
لێدوانی لەوجۆرە بدەن کە هاندەری سوکایەتی زیاتر بێت و کۆی موسڵمانان تووڕە بکات.
نا ئەخلاقیشە چونکە ئەوان بەو سوکایەتیانە بەرامبەر پێغەمبەری
ئیسلام هەستی زیاتر لە ملیارێک موسڵمانی جیهان و نزیکەی شەش ملیۆن موسڵمانی نیشتەجێی
فەڕەنسا بریندار دەکەن، لە کاتێکدا خۆیان ڕازی نین هیچ کەس و دەزگایەک دەست بۆ باوەڕو
بنەما عەلمانیەکان بەرێت یان گێڕانەوەی ڕووداوەکان وەک ئەوەی ئەوان دەیانەوێ ڕەت
بکاتەوە، بە ڕشتنی خوێنی فەڕەنسیەک شێتگیر دەبن بەڵام خۆیان خوێنی سەدان و هەزاران
موسڵمان دەڕێژن و باکیان نیە.
بەداخەوە وڵاتانی ڕۆژئاوا بەگشتی لەمامەڵەیان لەگەڵ ئیسلام
و جیهانی ئیسلامیدا دووفاقی و دووڕووییەکی زۆریان پێوە دیارە، بەڵام چونکە خاوەن هێزو
باڵادەستن و بۆیان دەچێتە سەر، تەنانەت زۆرێک لە موسڵمانانیش پاساویان بۆ دەهێننەوە.
نوێترین نوسینەکانی م.یاسین وەرتی