شەڕ و گێچەڵی یەكێتی!
وتار/
24/02/2019
608 جار بینراوە
كامەران عەلی
شەڕ و گێچەڵی یەكێتی!
كامەران عەلی
ئەوەی سەیری ڕاگەیاندنەكانی یەكێتی بەتایبەتی "كەناڵی گەلی كوردستان" و پەیجە ڕەسمی و سێبەرەكانی ئەو حیزبە بكات، وا هەست دەكات گۆڕان نانەخۆرەو مزوری ئەو حیزبە بووە و ئێستا یاخی و سفرە دڕ دەرچووە!، نیگەرانی و هێرشی یەكێتی بۆ سەر گۆڕان لە ساڵی (2014) و دوای رێككەوتنی بەشداربونی لەكابینەی هەشت داو، ئەمجارەش دوای ئەم رێككەوتنە، زۆر جیاوازترە لە شەڕ و دەمەبۆڵەكانی پێشوتر.
ئەم جارە و ئەم دوو هێرشە توندە لە دووكاتی جیاوازدا و لەسەر یەك بابەت (ڕێككەوتن و نزیك بونەوەی پارتی و گۆڕان) ئەوەمان پێ دەڵێت: كە ئەم هێزە زۆر خۆپەرست و شەڕەنگێز و چاوچنۆك و حەسودە، خۆ دیارە كە خەمی ئەو تەنها خەمی كولێرە چەورەكەی چەند سەركردە و بنەماڵە و چەند مشەخۆرێكە كە ساڵانێكی زۆرە زۆر سودمەند بوون لە نزیكی و ڕێككەوتنی دوو قۆڵی لەگەڵ پارتی و تا سنوری تەقین، تەقیون بۆیە ئێستا وا ماسیون!.
ئاخەر هەموو كەس دەزانێت خاوەنی هیچ پڕۆژە و كارنامە و مەرجێك نەبوون بۆ بەشداریی و شەراكەتتان، جگە لە شەراكەت لەسەر قۆرغكاریی سامانی سەر زەوی و ژێر زەویی ئەو میللەتە بەش مەینەت و ڕەش و ڕووتە، بەپێچەوانەوە ئەمە دوو جارە بزوتنەوەی گۆڕان یەك مەرج و داواكاری بەرژەوەندی تاكە كەسی نەبووە نە بۆ خۆی و نە بۆ هیچ بەرپرس و سەركردەیەكی و بگرە شەڕی پێشمەرگە و جەماوەر و دەنگدەرەكانی تۆش و ئەوانی تریش دەكات.
بۆیە بزوتنەوەی گۆڕان هێزێكی سیاسی و بزوتنەوەیەكی جەماوەری سەربەخۆ و سەر بەخەڵكە و ئێوە هیچ مافی نیگەرانی و لۆمە و سوكایەتیان نییە، وەك وتراویشە "ئەوەی ماڵی لە شوشە بێت با بەرد نەگرێتە ماڵی خەڵكی".
ئاخر سەرباری ئەو هەمووە پەیمانشكێنی و دوو ڕووی و ساختەكارییە هێشتا ئێوە خۆتان پێ مەغدور و نیگەرانە؟!. مالكم كیف تحكمون؟!.
نوێترین نوسینەکانی كامەران عەلی