بزوتنه‌وه‌ی تاڵیبان: حكومه‌تێك پێكده‌هێنن بۆ هه‌موو ئه‌فغانیه‌كان بێت
هەواڵی /
22/8/2021
458 جار بینراوە
بزوتنه‌وه‌ی تاڵیبان: حكومه‌تێك پێكده‌هێنن بۆ هه‌موو ئه‌فغانیه‌كان بێت
شه‌ن پرێس:
ئاژانسی هه‌واڵی (ڕۆیته‌رز) بڵاویكردووه‌ته‌وه كه له‌ئێستادا شاره‌زایانی یاسایی و ئایینی و پسپۆڕانی بواری سیاسه‌تی ده‌ره‌وه‌ی بزوتنه‌وه‌ی تاڵیبان له گفتوگۆدان بۆ پێكهێنانی حكومه‌ت و دیاریكردنی شێوازه‌كانی حوكمداری بۆ داهاتووی ئه‌فغانستان.
لای خۆشیه‌وه به‌رپرسێكی باڵای بزوتنه‌وه‌كه جه‌ختی كردووه‌ته‌وه كه حكومه‌ته‌كه‌یان بۆ هه‌موو ئه‌فغانیه‌كان ده‌بێت و تیایدا مافی هه‌موو پێكهاته‌كان پارێزراو ده‌بێت, به‌لاَم به‌و شێوه‌یه‌ش نابێت كه وولاَتانی خۆرئاوا بانگه‌شه‌ی بۆ ده‌كه‌ن.
ئه‌مه‌و به‌پێی هه‌واڵه‌كان (مه‌لا به‌راده‌ر)ی سه‌رۆكی مه‌كته‌بی سیاسیی بزوتنه‌وه‌ی تاڵیبان گه‌ڕاوه‌ته‌وه بۆ ئه‌فغانستان بۆ سه‌رپه‌رشتیكردنی گفتوگۆكانی بزوتنه‌وه‌كه‌ی له‌گه‌ڵ به‌رپرسانی دیكه‌ی ووڵاته‌كه بۆ پێكهێنانی حكومه‌تێكی نوێ.