هەڵەبجە؛ ژنێک دوای چەند کاتژمێرێک لە مردنی پیاوەکەى گیانی لەدەستدا
هەواڵی /
14/8/2021
1046 جار بینراوە
هەڵەبجە؛ ژنێک دوای چەند کاتژمێرێک لە مردنی پیاوەکەى گیانی لەدەستدا
شه‌ن : ناس
ژن و پیاوێکی هەڵەبجەیی دوای نزیکەى 64 ساڵ پێکەوەبوون، ئەمڕۆ هەردووکیان لە چەند کاتژمێرێکدا گیانیان لەدەستدا.
بەیانی ئەمڕۆ مەلا عوسمان سۆفی شەریف (90 ساڵ) دوای چەند ڕۆژێک ململانێ لەگەڵ نەخۆشی لە شاری هەڵەبجەی شەهید گیانی لەدەستدا، دوای چەند کاتژمێرێکیش خاتوو خەدیجەی خێزانی گیانی لەدەستدا.
ئەو دوو هاوسەرە ساڵی 1957 هاوسەرگیرییان کردووە، عوسمان سۆفی شەریف مامۆستای خوێندنگا و مزگەوتیش بووە، کەسایەتییەکی ناسراوی كۆمەڵایەتی و پەروەردەییە لە هەڵەبجە و بەر لە كۆچكردنیشی لە چەند چاوپێكەوتنێكدا بیرەوەرییەكانی خۆی و ڕابردووی شارەكە و دەوروبەری گێڕاوەتەوە.