سعودیه به‌م مه‌رجه ڕێگه به ئه‌نجامدانی گه‌شتی عه‌مره بدات
هەواڵی /
30/7/2021
570 جار بینراوە
سعودیه به‌م مه‌رجه ڕێگه به ئه‌نجامدانی گه‌شتی عه‌مره بدات
شه‌ن پرێس:
له لێدوانێكی فه‌رمییدا (هاشم سعید)ی بریكاری وه‌زاره‌تی حه‌ج و عه‌مره‌ی شانشینی سعودیه ڕایگه‌یاند كه له ڕۆژی (10)ی مانگی داهاتووه‌وه ڕێگه به ئه‌نجامدانی گه‌شتی عه‌مره ده‌درێت له ده‌ره‌وه‌ی وولاَته‌وه, ئه‌وه‌ش به مه‌رجی وه‌رگرتنی ڤاكسینی دژه كۆرۆنا.
ناوبراو ئاماژه‌ی به‌وه‌شكردووه كه وه‌رزی ئه‌نجامدانی عه‌مره ده‌ستی پێكردووه و به توندیش ڕێكاره‌كانی به‌ره‌نگاربوونه‌وه‌ی كۆرۆنا جێبه‌جێ ده‌كه‌ن و مه‌رجی وه‌رگرتنی ڤاكسینیش بۆ ئه‌و عه‌مره‌كارانه‌ی له ده‌ره‌وه‌ی وولاَته‌وه دێن, دانراوه.
بریكاره‌كه‌ی وه‌زاره‌تی حه‌ج و عه‌مره‌ی سعودیه ئه‌وه‌شی خسته‌ڕوو كه ووڵاته‌كه‌ی ڕۆژانه ڕێگا به هاتنی (20) هه‌زار عه‌مره‌كار ده‌دات.