كچی سیروان بارزانی : خاوه‌نی ٢٦ کۆمپانیا و ١٤هۆتێل و ٦ کارگە و ٢٨٦ قاوەخانە و ٥٤٠ شوقەی نیشتەجێبوونه
هەواڵی /
13/6/2020
5288 جار بینراوە
منداڵەکانی بنەماڵەی بارزانی بە دەمی خۆیان دان بەوە دەنێن کە خاوەنی چاڵی نەوت و ملیونەها دۆلارن
كچی سیروان بارزانی : خاوه‌نی ٢٦ کۆمپانیا و ١٤هۆتێل و ٦ کارگە و ٢٨٦ قاوەخانە و ٥٤٠ شوقەی نیشتەجێبوونه .
شه‌ن پرێس :
لێره‌دا بە بەڵگەوە چه‌ند نمونه‌یه‌ك له تاڵانی و گه‌نده‌ڵی و فه‌سادی دارایی كچێكی سیروان بارزانی دەخەینە روو، تا ببینن ئەو منداڵە بەو ته‌مه‌نه هه‌رزه‌كاره‌یەوە چۆن به‌ملیۆنه‌ها دۆلار به ئاره‌زوی خۆی ته‌خشان و په‌خشان ده‌كات له‌كاتێكدا گه‌نجی كورد 10 هه‌زار دیناری له گیرفاندا نییه، پێشمه‌رگه دەچێتە به‌ره‌كانی جه‌نگ، مناڵه‌كانی به‌بێ پاره جی ده‌هێلێ.
لینا سیروان بارزانی وەک خۆی ئاماژەی پێکردووە : خاوەنی گرووپی کۆمپانیاکانی لینایە (لینا هۆڵدینگ lina holding ) وەک لە پەڕەی فەرمی کۆمپانیاکە ئاماژەی پێدراوە ( لینا هۆڵدینگ ) کە پێک دێت لە (٢٦ کۆمپانیا و ١٤ هۆتێل و ٦ کارگە و ٢٨٦ قاوەخانە و ٥٤٠ شوقەی نیشتەجێبوون و ٤٨ ڕیستۆرانت و ٨ سەنتەری مەلەوانی و ٢ پرۆژەی گەشتیاری و ١ نەخۆشخانە و ١ بانک ) .
لە هەمان کات جێگری بەڕێوبەری لقی لۆس ئەنجلسی گەورەترین بانکی ئەمریکا و جیهان (جەی پی مۆرگان JP Morgan ) کە ئەم بانکە خاوەنی گەورەترین سەرمایەی پاڵپشتە بە گوژمی ٢ ترلیۆن و ٤٥٠ ملیار دۆلار و شایەنی باسە کەسێک ناتوانێت ببێت بە جێگری سەرۆکی لقی لۆس ئەنجلسی بانکی " جەی پی مۆرگان " گەر خاوەنی پشکێکی زۆر نەبێت لەو بانکەدا .
لینا سیروان بارزانی وه‌ك له پرۆفایلی فه‌یسبوكه‌كه‌ی خۆیدا نووسیویه‌تی دانیشتووی ئەمریکایە و لە واشنتن دەژی ، زانکۆی هۆوارد (Howard University)ی تەواوکردووە خاوەنی ئەپارتمێنت و ریستۆرانی لینایە لە ووڵاتی کرواتیا بفەرمون سەیری لینكی ریستورانەكەی بكەن
http://www.lina.hr
(Lina Apartments & Restaurant)
ئوتێلەکە لە ولاتی کرواتیا و ژماری مۆبایلەکەی ئەمەی خوارەوەیە
150 712 20 385
لە هەمانکاتدا لینا سیروان بارزانی خاوەنی کۆمپانیایەکی نەوتە لە کوردستان، کە پێکهاتووە لە ١٢چاڵە نەوت، بەناوی ئۆریکس، ئەمە لە کاتێکدا كە حكومەتى هەرێم له ساڵانی ڕابردوودا برى ٢٥٠،٠٠٠ بەرميل نەوت مانگانه، بە بەغدای داوه ، نەوتى ئەو 12 چاڵه نەوتەيە، كه كۆمپانياى ئۆريكسه، لە يەكى دیسمبری ٢٠١٤ تەسليم بە وەزارەتى سامانە سروشتيیەكان كراوە، واتا خاوەنی كۆمپانیاكەش هی بنەماڵەی بارزانییه، كە نەوتەكه دەردەهێنێ.
لینکی سایتی کۆمپانیانەوتیەکه و ئادریسی له كوردستان
http://www.oryxpetroleum.com/
OP Hawler Kurdistan Limited. 1st Floor,
Global Business Center, Gulan Street,
Erbil, Kurdistan Region, Iraq
- جگه لەمەش ئەم كچه تازه پێگەیشتووه بەپێیی ئەو پەیجانەی خوارەوه بۆ بەرنامەی رەنجی شەهیدانی رەنج ده‌لێت یەك ملیۆن دۆلاری پێشكەش كردووه :
- بۆ كۆمەك كردنی خەڵكی ئاواره دەڵێت دوو ملیۆن دۆلارم پێشكەش كردوو، لەپەیجێكی تریدا دەلێت من بەناوی ٣ كۆمپانیای باوكمەوە ئەو مافەم هەیه، كە بەئارەزوی خۆم كۆمەك و یارمەتی پێشكەش بكەم، له ٢٤ ئەپریلی ئەمسال نووسیوێتی و دەڵێت:
(منیش وەک کچە کوردێکی بازرگان پاڵپشتی ئەم کەمپینەی کاکە رەنج دەبم هەم لە جیاتی باوکی خۆشەویستم و هەم وەک وەکیلی هەر سێ کۆمپانیای ئۆرێکس و سەلاحەدین هۆلدینگ و سەروان هۆلدینگ.)
ئەوەی جێی سەرنجە ئەم کچەی سیروان پارزانی لەدایکبووی ١٩٩٤ ە .
ئێستا کاتی ئەوەیە بڵێین سەدان ملیار لای بنەماڵەی بارزانین لە بانکەکانی دەرەوە و ئەمانە بە ڕاست و چەپ خەریکی دزی و جەردەیین .
https://www.facebook.com/linaholding/